老字嘅韓國炸雞店，都有韓式玫瑰炒年糕

自從韓國出咗玫瑰炒年糕之後 我已經唔再鍾意食傳統嘅韓式年糕啦🤭 原來而家連老字號 #李家 都有得食～ 襯下午人流少啲即去慢慢嘆～ 有水、有開胃前菜 🌹《 韓式玫瑰炒年糕 💲188 》 玫瑰醬即係加入咗蕃茄同忌廉 中和泡菜醬嘅辣度，又令口味更creamy滑溜～ 麵條年糕外型似烏冬，但口感煙韌，放涼咗都唔會硬～除左年糕，仲有香腸、魚餅、蕃茄仔etc口感豐富～～ 🍗《 半半炸雞 （原味/甜辣） 💲178 》 唔想自己配搭口味嘅可以嗌呢個～ 仲可以揀有骨/無骨-》無骨會帶辣～ 我揀咗無骨，食得方便啲。炸雞好香脆可口，肉滑有肉汁～甜辣仲好惹味添～ 🍹《 無酒精麗塔（西柚味）Non-alcohol Rita 💲78 》 2人份量！西柚味梳打有大量碎冰，再倒插住一支無酒精啤酒，好味又爽，要戒酒嘅又過到酒癮🤭食辣辣哋嘅韓國野岩晒～ 唔好睇少呢個份量，2個人真係食唔晒！ 📍李家 이가 (華發大廈) # 이가 灣仔駱克道405-419華發大廈地下C號舖