小店一位難求

小店全晚滿座，一位難求，幸好我和老公早咗食飯，先避開係門口等位。 呢間店主要食鰻魚，但見到有牛舌，又叫咗黎試。 每份丼飯都附有1）漬物、1）鰻魚肝白貝湯，味道微鹹；和3）溫泉蛋，口感冰冷嫩滑。 🔸三重鰻魚丼 話明三重鰻魚飯，就有三款鰻魚集於一碗，有： 1）生燒鰻魚勁厚肉，皮脆肉厚唔乾身，仲有鹹香； 2）蒲燒鰻魚的醬汁唔會太多，鰻魚面燒至微焦，口感軟身； 3）穴子長身，口感幼滑，仲有少少山椒粉點綴。 👉🏻飯面鋪滿蛋絲、底下有紫菜，毛豆，再加清香的紫蘇葉，正！ 👉🏻不過呢個飯較乾身，但加入温泉蛋一齊食，微濕的口感又恰到好處喎！ 🔸慢煮牛舌日本溫泉蛋丼 牛舌用咗清酒煮，味道唔羶，口感如同滑嫩無筋的牛腩。飯粒煙韌，拌勻蛋絲、蔥粒、紫菜和毛豆，再整爛隻蛋一齊食，多重口味。 只要叫丼飯，都可以二食鰻魚，但因為齋食丼飯已經好夠，所以冇留啲飯做茶漬飯。 📍鰻工房 (尖沙咀) 尖沙咀赫德道1-3號利威商業大廈地下7號舖 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #鰻工房 #尖沙咀 #日本菜 #tm128 #為食妹 #tm128_love food