📡科學園 抵食午市火鍋🍲 盛宴😄

入左科學園有間環境幾好既中菜館The Grand 盛宴 係會所一號 Club One 旗下既宴會場所 周末有一人火鍋午餐 價錢幾抵食👍🏻 會員有折 其他客人係星期六日都有8折🤩 裝修優雅小清新☘️ 樓底高亦有空間感 仲有戶外證婚場地 有拱門 影相好靚⭐ 內外都設有乾花擺設 同科學園附近既自然環境好配襯🌸💮 作為婚宴場所亦係一個幾好既選擇😎 食物選擇 午市有一人火鍋 亦有點心 可以套餐 亦可單點 我地叫左個一人火鍋餐 一個點心拼盤😋 同單點左幾款點心 已經好豐富😁 💥午市一人火鍋 悅食鍋 火鍋器具好有中國特色 🙂 枱面有隱藏式電磁爐 相當方便 套餐 有多款湯底選擇 揀左蕃茄豬骨湯🍅 清甜開胃 食物份量驚人 海鮮 肉 菜 飲品 甜品全都有 海鮮拼盤有鮮鮑魚 鮮蠔 花膠 帶子各1件 仲有海蝦2隻同蝦滑 全部都好新鮮 而且大件 肉 極上黑豚肉/ 安格斯牛肉 2選1 揀左極上黑豚肉 油脂分佈平均 唔會太肥😋 食落爽滑 帶肉香🥩 蔬菜種類同份量多🥬 田園蔬菜杯 鮮雜菌 鮮竹/響鈴就2選1 主食 讚岐烏冬/出前一丁2選1 揀左讚岐烏冬 爽口彈牙 飲品可以揀汽水1罐 完左仲有雪糕🍦 超滿足 💥精緻點心拼盤 A 蟹籽燒賣皇 大大粒 仲有蝦肉同蟹籽🦀 脆炸鮮蝦春卷 比較厚身大件 餡料滿滿🦐 生煎菜肉包 餡既蔬菜較多 感覺無咁膩 蠔皇鮮竹卷 芡汁濃厚帶鮮味 😊 💥蠔皇叉燒包 一籠三個包 香熱鬆軟♨️ 食到叉燒既肉粒感 💥米網小籠包 幾有特色 多左層輕盈脆口既米網 小籠包湯汁夠 肉味足 好食🥰 盛宴 📍沙田科技大道西19號白石角香港科學園地下S061-S066號舖 —- #中式 #clubonehk #會所一號 #盛宴 #沙田 #沙田美食 #火鍋 #飲茶 #點心 #親子好去處 #香港好去處 #全球旅行