荃灣法國菜餐廳Odelice性價比高

Odelice 今次要介紹喺荃灣海之戀商場1樓入面有一間法國菜餐廳叫「Odelice」，呢間法國菜餐廳入面算好大，裝修唔算特別華麗，我幾鍾意佢哋棧u型波波壁燈，店員又有禮，會介紹熱門菜式比我，未到七點差唔多爆哂場，證明開業多年來都有好多食客捧場，依家仲推出晚市套餐，都係$538起，晚上七點前飲品買一送一，七點後飲品八折，呢間法國菜餐廳性價比真係高！ 二人晚市套餐：2A+2B $538 首先先嚟一個餐湯，餐湯係椰菜花薯仔餐湯，再配埋一條好煙韌嘅法國麵包。 1.法國田螺（6件）香草蒜香牛油+阿根廷安格斯肉眼牛扒+$45（薯條，黑椒醬汁）+Domaine de Bila-Haut,Banyuls AOP紅酒$90（9/10） 頭盤我揀咗法國田螺（6件），由於醬汁係香草蒜香牛油可能令到田螺有少少油，不過食落唔會好硬夠淋身，而且又好香，旁邊仲有兩片酸種麵包！ 主菜就揀咗阿根廷安格斯肉眼牛扒，價錢要另加$45，我揀咗生熟程度50%，肉嘅顏色呈現粉嫩色，不過自己就覺得有少少韌，點埋黑椒醬汁更好味，旁邊仲有好多薯條，食到係即叫即炸，咬落去好熱又脆！ 飲品就比店員揀，我話我可以飲酒，店員就介紹咗Domaine de Bila-Haut,Banyuls AOP紅酒，話食肉扒飲呢款酒就最啱，我飲落覺得好易入口，唔會好甜，有少少似黑加侖子味，唔會有澀味，酸度唔高，好好飲！ 2.空運黑青口（白酒煙肉忌廉汁）+$25+阿根廷安格斯牛脊肉（蘆筍、燒樹薯粒、鵝肝砵酒醬汁）+$55+Frozen Tropicolada沙冰（菠蘿，香蕉，椰奶）$65（9.5/10） 頭盤我揀咗空運黑青口，價錢要另加$25，講返黑青口個份量超多，差唔多有20隻，佢哋用上白酒煙肉忌廉汁，另每一隻黑青口都好juicy，好好味！ 主菜就揀咗阿根廷安格斯牛脊肉，價錢要另加$55，我揀咗生熟程度50%，肉嘅顏色呈現粉嫩色，熟度啱啱好，唔會過硬，一共有3大舊牛脊肉，仲可以點埋鵝肝砵酒醬汁令牛脊肉更加好味，其他配料有蘆筍同燒薯粒！ 飲品就揀咗Frozen Tropicolada沙冰，呢個沙冰飲唔出入面有菠蘿、香蕉同椰奶，整體都好解渴又唔會好甜！ 2人總共價錢$900，其他有加一服務費！ 個人口味總評分：9.25/10 @o.delice 地址：荃灣大河道100號海之戀商場1樓1002號舖 Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️ #odelice #法國菜餐廳 #法國菜 #浪漫餐廳 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong