大件夾抵食心形雞蛋仔@好旺美食

好旺美食 📍 佐敦彌敦道383-389c號平安大廈地下c號鋪 偶爾經過佐敦彌敦道，發現平安大廈地下開咗好旺美食，一大個雞仔招牌不難發現，多款價廉物美、抵食夾大件港式小食盡在眼前，仲有自家製原創心形雞蛋仔，同朋友點都要叫返兩底食下。 煎釀三寶： 乾淨衛生排列得好整，任君選擇，$20有六件/$30有10件，幾乎每樣都好想食，香炸茄子保持汁水同時仲有一大嚿魚肉好有咬口，點少得紅腸釀魚肉，紅腸好厚切，仲有好抵食嘅魚蛋，青椒🫑仲可以當蔬菜食，嫩滑外脆內軟豆腐，好香豆味，蘸上適量甜豉油，好夠飽肚貨真價實！ 心形雞蛋仔： 兩底都係$20即係$10一底，大癲，好抵食！ 即烤即整，新鮮熱辣，見咗店員即場烹調，心形嘅雞蛋仔好治癒，咬落好實在不是空氣感的！重點雞蛋仔邊好脆口，甜度適中，香脆可口，食到唔停口。 總結： 款式眾多的街頭港式小食 性價比高 必食心形雞蛋仔 #佐敦#彌敦道#好旺美食#章魚小丸子#煎釀三寶#雞蛋仔#原創心形雞蛋仔#雞髀#格仔餅#咖喱魚蛋#珍寶腸#腸粉#豬皮蘿蔔魚蛋