去滾📍銅鑼灣

#100種旅行方式 今日同同事搭左叮叮去銅鑼灣食晏 成日去金朝陽跳舞都見到樓上有好多餐廳 見到呢間個名好特別 同事最鍾意試期間限定既餐 🐮牛魔王濃湯麵 $88 Beef King Noodles in Soup 有牛肚、牛筋、牛腱、牛坑腩，麵揀左粗麵 湯底濃厚，溏心蛋唔錯，麵質比教腍 牛筋軟糯黏口滿滿骨膠原 難得牛肚都比較腍～厚切有咬口 牛坑腩份量都幾多～牛味重 牛腱一d都唔韌～不失口感 我叫左紅燒牛崩砂腩濃湯麵 $118 Braised Butterfly Beef Brisket Noodles in Soup 🥚一樣有半隻溏心多，冬菇入味 崩砂腩份量多又大塊～炆到好腍好鍾意 湯底濃厚得嚟唔會太咸 幼麵同樣比較腍～如果可以自選硬度會更好 套餐均配有四款涼拌小菜 酸辣雲耳～入味爽口微辣好開胃 萵筍 ~ 非常爽脆~前菜嚟講份量都唔少 海帶 ~ 口感幾特別，味道調得唔錯 🍉西瓜 ~ 作為飯後果，清甜起沙，解膩一流 店內裝修好有創意~ 靠窗位置頭頂有鳥籠做燈 另一邊背景係霓虹燈做牆 無論公仔人物或字句都好新潮 近門口既卡座十分寬敞 頭頂仲有好多經典語錄 非常多打卡位~大推