侍應手忙腳亂

今晚去到希慎地下一間餐廳食飯｡當晚有四個侍應,但執枱慢､帶位慢､落單慢,感覺有點手忙腳亂｡ 🌱北海道帆立貝羽衣甘藍沙律 帶子和牛油果腍滑,羽衣甘藍口感唔會太硬,蒜蓉包粒微脆,核桃仁香口,很少餐廳用柚子乳酪汁作為沙律醬汁,呢個有驚喜,最初入口以為係檸檬香味,後來才發現是乳酸味｡ 🌱角切魚生丼 魚生丼飯有三文魚､油甘魚､赤身､希靈魚,其中希靈魚口感比較硬,有點古怪🤪;三文魚子頗鹹,明太子少鹹,幸好配飯食味道唔會太鹹,而飯的黏性都幾強｡ 🌱軟殼蟹壽司塔可、香蔥拖羅蓉牛油果醬壽司塔可 兩款塔可都美味,不過比較油膩｡值得讚的是塔可有張卡紙方便食客揸住張卡紙食,乾淨衛生唔論盡｡ 🌱脆炸單骨雞翼 呢排食單骨雞翼,感覺都係一般,呢個炸得幾燶,而且好乾身｡ 🌱柚子清酒提拉米蘇盒子 唔覺得有柚子 檸檬茶苦澀,咖啡正常｡ 📍QUE (希慎廣場) (銅鑼灣) 銅鑼灣軒尼詩道500號希慎廣場URBANHOOD B1樓B111-112號舖 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #que #希慎廣場 #銅鑼灣 #日本菜 #西式 #tm128 #為食妹 #tm128_love food #100種旅行方式