【法國藍帶主廚 超值六道菜二人晚餐】

呢間法國餐廳位於中國農業銀行大廈地下，其中嘅招牌有手工意粉、慢煮料理等，仲有藍帶主廚坐鎮 ，聽落都夠唒吸引😍踏入餐廳好有外國餐館嘅氛圍，暗黃燈光幾有情調，而室外座位更顯歐陸氣息✨ 餐廳做緊推廣優惠，原價$1288嘅晚市二人套餐，有齊頭盤、餐湯、主食、甜品、飲品，優惠$699就可以食到，中環嚟講性價比相當高！ ˚˖`✧˚.⋆六道菜晚市二人套餐 ($699)⋆.˚✧`˖˚ ① ❃ 熱帶風情海蝦青瓜沙律 呢道菜嘅重點－海蝦彈牙又爽口🦐下面有一大堆爽脆青瓜絲🥒表面灑上少許辣椒碎調味，撈埋泰式酸甜醬汁，酸同微辣既味道好有泰國風味！清新開胃，好適合炎炎夏日品嚐🏖️ ❃ 巴馬火腿蜜瓜沙律 Parma ham配上哈密瓜，經典組合嘅配搭！哈密瓜香甜多汁，配微微鹹香嘅parma ham，甜鹹嘅味道相輔相乘～底部用咗火箭菜做伴碟，色彩豐富擺盤幾靚🥗 ② 南瓜忌廉湯 - 入口濃稠creamy，南瓜味十分濃郁🎃忌廉唔會搶咗南瓜嘅味道，平衡得好好，想再飲多碗！ ③ ❃ 新鮮龍蝦手打意大利闊麵 全手工意粉，做得Al dente軟硬適中，醬汁經多重工序精心熬製，所以龍蝦汁非常濃郁且帶有鮮甜味，無落太重份量嘅忌廉，食完唔會覺得漏～ 龍蝦肉質鮮美，口感爽彈😍而且餐廳已將龍蝦肉剝殼，可以用叉直接食唔使用手，啱唒懶人享用🤣推薦💖 ❃ 香辣低溫慢煮雞胸巴東汁扁意粉麵 巴東汁以大量香料製作，味道香濃帶甜、唔會太辣，層次豐富非常惹味，對於食唔到辣嘅朋友都容易入口；扁意粉好掛汁，而雞胸經慢煮方式烹調，滲入醬汁好入味，咬落都唔鞋👍🏻 ④ ❃ 紅館姜母鴨 餐廳招牌菜🌟 原隻鴨腿外皮香脆，邊位燒得好crispy；內裏肉質軟嫩，切落去充滿肉汁！配上酸甜嘅香橙杏桃醬，提升層次感之餘，中和鴨肉本身嘅油膩感，食完都完全無負擔！ ❃ 茴香魚高湯煮海鱸魚 採用魚高湯慢煮，令魚味更突出～無骨海鱸魚嘅熟度啱啱好，肉質鮮嫩又唔腥，配上茴香同高湯，味道清淡、恰到好處幾健康😋高湯吸收咗鱸魚嘅鮮甜，會有衝動想飲埋啲湯汁🤣 ⑤ ❃ 芒果拿破崙 薄脆鬆化嘅酥皮，夾住吉士忌廉同新鮮芒果🥭將鮮甜嘅芒果同香滑嘅吉士融合一齊，甜度適中，係作為飯後甜品嘅最佳選擇～ ❃ 鮮果芝士撻 藍莓配上芝士，加上充滿牛油香嘅撻皮，細細件一啖過，唔會太heavy十分滿足！ ⑥ 餐飲 - 凍檸茶 總結：六道菜有啲仲可以選兩款，菜式精緻又抵食！ 🍽紅館 📍中環干諾道中50號地下B號舖 @rarerhk #fon中環 #fon法式 #中環 #中環美食 #法式 #法國菜 #紅館 #central #centralfood #french #frenchfood #frenchcuisine #duckconfit #foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom #報名9月酒店試睡員