大熱文華海南雞飯

因為一向都好鍾意食海南雞飯🐔,聽聞呢間文華海南雞飯好食,所以收工就去大圍食🏃♀️。裝修幾舒適,有種喺叢林嘅感覺🪴。 🤤文華海南雞飯 138 佢嘅海南雞飯醬汁味香濃😋,啲雞幾滑,雞皮都幾爽彈。佢碗油飯都好好食🍚,有高湯香味🥣,飯粒清爽。 🤤香脆薄餅配咖喱汁 +28 叫海南雞仲可以用優惠價88蚊點甜蝦醬蔬果花生沙律🥗,或者28蚊點呢個薄餅配咖喱汁🍛。佢嘅薄餅好脆,咖喱汁好香濃。 🤤鐵板蟹肉炒蘿蔔糕 108 呢個炒蘿蔔糕比較特別🥕,因為表面睇唔出有蘿蔔糕,反而似係奄列。面頭有好多蟹肉🦀,蘿蔔糕軟滑,配埋煎香嘅蛋漿🍳,不同嘅口感竟然又幾夾。 🤤蒜蓉炒小棠菜 58 因為想食啲菜所以揀咗個小棠菜🥬,蒜蓉味做得好香🧄,賣相好靚。 🤤椰子美祿 58 飲品有呢個期間限定嘅椰子美祿🥥,初入口覺得太甜,但後來啲冰融咗,啲椰子味完美咁融入美祿度🍫,反而覺得好好味,有啲似某種雪糕嘅口味🍦。 🤤涼粉豆漿紅豆冰 50 另一杯點咗豆漿紅豆冰🫘,涼粉有咬口,但豆漿唔夠甜,螞蟻人都係比較喜歡我杯椰子美祿多啲🐜。 食到中段,出面已經開始好多人排隊等位了👯♀️👯♀️。大部份人嚟都係叫海南雞,但我覺得佢其他小食都值得一試👌。 📍Chatterbox Cafe 香港大圍車公廟路18號圍方3樓304號舖 #香港好去處