充滿人情味的窩心小店

黃色嘅門面，襯上深啡色嘅門框，遠處行嚟前已經見到，門嘅側面有張小木櫈，放有餐牌，店內提供主食、輕食、飲品及甜品，以健康為主題；店內仲有另一品牌，有售Bagel、磅蛋糕及曲奇餅 [ 無骨雞上髀意粉 $98 ] 雞上髀肉質超嫩滑，味道入味，意粉煮得剛剛好，唔會過軟或者過硬，配上香濃青醬醬汁，簡直係完美組合；醬汁用咗青醬，味道濃濃好特別，意粉掛汁 [ 煙三文魚烚蛋沙律 $89 ] 煙三文魚帶鹹香，配合埋嫩滑的烚蛋，食落去味道好清新；沙律菜新鮮脆口，配搭埋甜甜嘅蕃薯、車厘茄，再加上少少沙律醋，食落唔會太油膩，反而非常開胃，健康又滿足，真係唔錯嘅選擇，另外追加咗3隻蝦 $22，爽口彈牙，配沙律就最好啱 飲品就叫揀咗兩杯，一杯係 Non-Coffee嘅 [ Yuzu Lemonade $48 ] 檸檬同柚子嘅味道完美配搭，口感酸酸甜甜，飲落去特別開胃；每一啖都帶出柚子香氣，唔會太過甜 另一杯係 [ Espresso Tonic $50 ] 揀咗自家烘焙嘅咖啡豆 FRUITY - Ethiopia National，加入咗Tonic，入口苦中帶甘，口感醇厚，有層次感，飲落去有種意想不到嘅驚喜 甜品揀咗自家製手工甜品嘅 [ 原味巴斯克芝士蛋糕 (低糖) $62 ] 外層微焦，內裡鬆軟，芝士味濃郁但唔會過甜，特別嘅係因為用咗羅漢果糖，滿足咗我個甜品胃。最重要係食完唔會有負擔，總之呢個芝士蛋糕值得一試 Silver Lining 西營盤第二街124號仁福大廈地鋪 #西環 #西環cafe #西營盤 #西營盤cafe #cafe #cafehk #健康 #輕食 #foodies #foodieshk #coffeeworkshoph k