超可愛飛船送餐日式燒肉店

想嚟呢間燒肉食好耐啦😍! 因為有好得意嘅飛船送餐👾~ 呢日喺沙田附近做完嘢過嚟食,估唔到晚市咁多人👯♀️👯♀️~ 母親大人揀咗呢個牛小排,肩胛牛柳,薄切牛舌套餐,最吸引係有牛舌👅,彈牙又有油份~ 而肩胛牛柳就有條筋,所以會比較有咬口😋~ 牛小排油脂就多啲,燒嘅時候要小心搶火🔥~ 套餐仲有跟飯,湯同埋沙律/泡菜~ 我哋就加錢升級咗做紫菜飯,仲有埋溫泉蛋添🍳~ 而我就因為想食肥美嘅牛五花🐮,所以揀咗呢個Prime Grade牛五花,牛小排套餐~ 同樣有牛小排,而牛五花就有更靚嘅雪花❄️~ 夏天咁熱,佢哋仲推出咗靜崗水冷麵🍜,套餐加三十零蚊就可以將飯轉成水冷麵~ 面頭仲有兩片西瓜🍉,見到都覺得清涼~ 麵質彈牙,酸酸辣辣咁,啱晒夏天食☀️~ 因為我哋嘅都係牛肉套餐,所以就點咗個鹿兒島豚肩肉🐷~ 佢嘅鹿兒島豚肩肉肉質好嫩,燒過後脂肪無咁多🤏,入口好化~ 而佢嘅調味都好好,唔使額外點醬都好好食😚~ 雖然佢啲自家醬都好好食~ 呢度嘅飲品除咗汽水🥤,仲有埋梅酒同梅酒梳打~ 我鍾意飲梅酒嘅就淨飲,母親大人唔鍾意酒味就可以揀梳打🍶~ 燒肉配梅酒真係一流! 不得不讚呢度抽風做得幾好🌬,現場好乾淨無煙之外,返到屋企都唔覺有燒肉味👍~ 不過入座有限時75分鐘⏳️,記得人齊先入就無咁趕~ 📍EaT燒肉 沙田大涌橋路20-30號河畔花園地下19-20號舖 #foodie #foodiehk #美食 #親子好去處