荃灣一間星馬菜餐廳性價比高

玖子茶 今次要介紹喺荃灣如心廣場二期一間星馬菜餐廳叫「玖子茶」，未食之前去咗美國冒險樂園玩，發現一部推銀機禁一個幣跌三個幣出嚟，都幾好玩，下次行過如心廣場一定會再玩，玩飽緊係要醫肚，「玖子茶」中午都幾多人，入到去幾乎爆場，頭頂會見到紅紅黃黃嘅燈籠，呢間餐廳係用QR Code落單，價錢好親民，小食都係加$12，非常抵食！ 1.脆炸雞扒粉麵（油麵）（雞湯）（走芫茜）+凍爽爆檸檬茶$55+鮮油咖映多士（半份）$12（9/10） 呢個脆炸雞扒粉麵個雞扒係另外上，唔會放喺麵上面，炸雞扒一共有4舊，每舊雞扒炸得非常香脆好juicy，麵就揀咗油麵，湯底揀咗雞湯，雞湯清清地，仲包埋一杯凍爽爆檸檬茶，最後我加咗$12叫一份小食，呢個鮮油咖映多士夾住厚厚嘅牛油同咖央醬，多士香脆，咖央醬微甜，整體做得到出色，只係牛油邪惡咗少少，其他非常掂！ 2.星馬咖哩香煎豬扒飯+凍馬來西亞拉茶$55+酸辣無骨鳳爪（小份）$12（8/10） 呢碟星馬咖哩香煎豬扒飯個咖哩味非常香濃，辣度只係少少辣，至於香煎豬扒已經幫你切開，豬扒一共有4條，每條韌度都唔同，有兩條豬扒比較韌，飲品揀咗凍馬來西亞拉茶，茶味唔會好搶，非常好飲！最後我加咗$12叫一份小食，係一小份酸辣無骨鳳爪，呢個鳳爪非常細舊，酸辣味唔覺有，$12差唔多啦！ 2人總共價錢$134 個人口味總評分：8.5/10 @tehjiuzi 地址：荃灣大河道98號如心廣場二期2樓214號舖 Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️ #玖子茶 #荃灣 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong #報名郵輪試坐員 #報名9月酒店試睡員