「綠茶餐廳」終於登陸香港喇！

注意🔔 「綠茶餐廳」終於登陸香港喇！綠茶香港首店選址銅鑼灣希慎廣場，連個裝修都寧捨有睇頭「風清竹影」主題將江南嘅竹元素完美融入，白色同綠色配搭營造出一個超舒服嘅環境，等你食嘢嗰陣都feel到中國文化嘅美👏 講到食，綠茶餐廳仲請咗米芝蓮同黑珍珠級數嘅大廚俞斌做顧問，呢位名廚最擅長整浙菜，會將佢嘅創意融入菜式入面，仲推出咗一系列香港限定菜式，實行以浙菜美學嚟征服大家個胃👨🍳 西湖蒪菜斬魚圓 (香港限定菜式) 原來係杭州十大名菜之一，國內外嘅大人物嚟到杭州，都會指定食呢道菜～魚肉以人手起肉打成魚泥，仲要過篩去晒啲魚刺同魚筋，先至將魚圓整到好似豆腐咁滑嘅口感，係真正嘅工藝品💯魚圓滑嫩鮮美，經過3小時細煨慢燉，湯底色澤清澈鮮濃；最特別係隨湯原產自西湖嘅蒪菜，蒪菜葉芽滑嫩得嚟，外表仲覆蓋著一層厚厚類似寒天嘅膠質，係完全未接觸過嘅新領域，令味蕾好有新鮮感！ 東坡小牛肉 (香港限定菜式) 將東坡肉嘅精髓同美國穀飼牛小排完美結合，保留咗傳統東坡肉嘅精髓，仲將個味道提升到另一個層次，係一度新派浙菜🐂牛肉油花均勻肉質細緻，慢煮至入味軟腍再炒香，最後以湯煨2小時盡收鮮味，香濃醬汁包裹住軟嫩多汁嘅美國穀飼牛小排，入口極鬆化，每啖都係滿滿嘅驚喜！ 除咗創新菜式，香港店當然唔少得多款綠茶餐廳經典菜式，其中一樣就係「麵包誘惑🍞」外形好似座麵包磚咁，入面嘅麵包已預先切好再放回方便食用。金黃酥脆嘅外皮包住一件件正方形嘅軟綿麵包，溫熱之時配埋香滑濃郁嘅雪糕，係必試嘅甜品！ 西湖藕韵 香脆嘅藕片夾著厚厚藕件再塞入軟糯糯米，口感層次分明，加埋啲甜蜜嘅醬汁同清甜桂花，簡單卻討人歡喜～藕件軟糯香甜，輕輕一咬已經斷開，一啲都唔費力，個甜味慢慢會滲入你味蕾🤤好易食上癮 砂鍋西施豆腐 滾燙嘅砂鍋一上枱已經香氣四溢，仲要「滋滋」作響，令人食慾大開～豆腐放入金黃雞湯文火慢煨，佐以芋頭粒、蝦仁、豬肉沫等多款配料，每啖都係十足十嘅鮮味，將啲豆腐連埋啲湯汁一匙食曬落肚，真係香到冇朋友！(注意食嗰陣要小心啲，因為個鍋真係好熱🔥) 紅酒糟丸子 食完咁多嘢都食返啲暖笠笠又養生嘅甜品，紅酒糟配上軟綿綿嘅芝麻湯圓係不錯嘅選擇，咬啖芝麻湯圓，芝麻醬慢慢流出嚟，配埋紅酒糟湯底，養生之餘甜到入心入肺😋 🥢綠茶餐廳 #綠茶餐廳 #綠茶餐廳香港 #希慎 #銅鑼灣 #新浙菜 #黑珍珠 #米芝蓮 #hkfood #foodhk #hkfoodie #foodiehk #hklike #hkfoodblog #hkfoodblogger