「東海堂」月餅禮盒2024

上半年眨眼間就過去，距離中秋仲有個幾月，又係時候揀定月餅🥮 講起月餅，對「東海堂」 @aromebakery 總係有份情意結，除咗傳統月餅，不時推出創新口味同新穎包裝嘅配搭😚仲不時同唔同單位聯乘，永遠都比到新鮮感我💕 ▶️「流心奶黃月餅」 話明流心月餅，除咗外表要靚仔，流心餡仲要有理想流動性，最好一刀切落就可以見到流心自然流出！親眼目睹東海堂嘅流心奶黃月餅唔使新鮮出爐都有流心形態～質感一流👀 流心奶黃月餅內餡選用法國牛油及淡忌廉，細滑而不膩口，奶黃味又夠香濃，加上3D兔仔流心奶黃月餅造型，用嚟氹小朋友就最好喇🐰 ▶️「東海堂 x SOU・SOU月見禮盒」 如果對京都設計有一定認識，就一定唔會對「SOU・SOU」呢個品牌感到陌生～今次東海堂亦再度聯乘SOU・SOU推出「雙層和風月見禮盒」，配上SOU・SOU紫、紅色經典菊花圖案，展現京都百年美學🇯🇵 剩係個罐都已經極具收藏價值了，雙層設計仲將儲物空間發揮到最大！月見禮盒除咗包裝得體，味道依舊出色，入面有【流心奶黃月餅】之外，仲有【蛋黃白蓮蓉月餅】，白蓮蓉口感細緻嫩滑，配上原粒極品鹹蛋黃，令懷舊味道與時並進✔️ ▶️「東海堂ｘ霜田有沙喵．秋月禮盒」 相信大家對相田老師筆下嘅貓貓唔陌生，可根本愛到犯規❗無論細路/少女，就連大叔都會被佢俘虜，真係可愛到無朋友✨呢款月餅罐有粉藍色或淺粉色可選，送比鍾意貓嘅朋友就最好～食完仲可以留嚟做收納罐添！ 禮盒內有【十勝紅豆麻糬月餅】及【流心奶黃月餅】，月餅上印有貓咪腳印圖案，真正「靚到吃手手」😂 貓掌造型已經夠可愛了，味道仲要滿分！前者由口感鬆化嘅外層包裹住清甜紅豆以及Q彈軟糯麻糬🍡麻糬回彈煙韌嘅口感，風味絕佳；後者為貓掌造型嘅流心奶黃月餅，超有療癒Feel☺️ 🥢東海堂 #東海堂月餅 #東海堂 #中秋節 #中秋節快樂 #月餅 #月餅握推介 #アローム #霜田有沙 #aromebakery #happymidautumn #mooncakes #foodie #hongkongfoodie #hongkongfoodblogger #hkfoodblogger #mooncake #midautumnfestival