性價比超高買一送一自助餐。再附上優惠碼

最近見到沙田萬怡酒店嘅Momo Cafe自助餐喺K平台度做緊買一送一🤑~ 一直好心動想去試下💗~ 佢買一送一價只係四百幾~ 用埋97折優惠碼(想要可以PM我),再扣埋我啲積分人均二百蚊都唔使~ 仲要有生蠔食😋!! 首先睇下主角生蠔🦪,唔算厚肉,但係好新鮮~ 海水味比較重同有啲金屬味~ 算係暫時食過嘅自助餐中數一數二質素嘅蠔了👍~ 人均唔使二百,有咁樣質素嘅生蠔真係唔錯🥰~ 不過每次排都7,8個人左右,但都拎咗三轉👌~ 另外有個凍櫃放凍海鮮同沙律🥗,有大蝦🦐,青口同螺,仲有煙三文魚🐟~ 沙律除咗沙律菜,仲有啲醃嘅前菜,最驚喜有雅支竹😍~ 熟食方面係東南亞風味,所以有大頭蝦冬蔭功🥣,仲有不同嘅咖喱🍛~ 而我鍾意佢嘅泰式魚餅同埋炸春卷🍤~ 佢嘅鐵板同即燒系列都唔錯,有啲燒粟米🌽,秋葵~ 仲有個炒豚肉味道都好🐷,不過硬咗啲~ 另外仲有即煮粉麵檔,有越式牛肉湯底或者喇沙湯底🍜~ 甜品有Movenpick任食🍨,我本來諗住如果間嘢唔得,食雪糕都夠開心😆~ 但佢仲有啲窩夫🧇,同埋母親私心大推嘅炸香蕉麻糬🍌~ 似係炸香蕉糕嘅感覺,煙煙韌韌~ 仲有一啲小cake🍰,明顯應該係低糖口味~ 但味道都唔錯,cheesecake好食🫐~ 總體而言,呢個價位有呢個質素真係無敵🏆~ 最主要嘅生蠔質素都好👍~ 係食到第三轉,唔知係咪因為無一直雪住,感覺無第一轉咁新鮮🤏~ 佢嘅所有主食都食得過~ 唯一不足係飲品只有茶啡🫖,如果有埋果汁🧃,加啲錢我都覺得值嘅~ 📍MoMo Cafe 香港沙田安平街1號香港沙田萬怡酒店 #foodphotography#美食指南#trip#美食之旅