灣仔入圍全球最佳50嘅漢堡包店🍔

外國人朋友佢話想食漢堡包，所以我就帶佢黎呢間入圍咗全球最佳50嘅漢堡包店，灣仔呢間分店鋪頭吾算大 ，全部都係高枱，有美國快餐風。 加上有會播球賽，所以SETTING都會似返SPORT BAR。 🔸Mushroom Cheeseburger 因見到佢個蘑菇漢堡同出面既餐廳好吾同，所以專登叫左個黎試。佢地既做法係將蘑菇打碎先，再壓成餅煎香，菇香好明顯，完全唔覺得自己食緊素食漢堡，連平時鍾意食肉既朋友都大讚。另外仲有生菜、蕃茄、紫洋蔥、酸瓜包住，口感豐富。我地有升級Combo，就包埋薯條同飲品。 🔸Cheeseburger 用料有芝士、漢堡扒、蕃茄洋蔥🧅等，肉質好新鮮，漢堡扒牛肉味濃， 肉質不鬆散，充滿肉汁，邊位煎得香脆，仲有少少燶邊，令人驚喜， 焦香為整個漢堡增添香氣發及口感，半溶的芝士配搭漢堡扒，味道完美結合。特別值得一提既係，呢到到係用左由米芝連得獎主廚獨家配方炮製嘅法國牛油麵包，包身鬆軟香甜，再用牛油煎香 外脆 好食 🔸Cookies and cream milkshake Cookies and cream口味嘅milkshake真係好好味，唔會太甜之外，入面啲曲奇碎仲好香，面頭都放左塊曲奇同唧左滿滿既CREAM，勁滿足！😍 🔸甜薯薯條 轉炸甜薯，食得健康少少，甜甜脆脆的，好好味！ 📍BURGER JOY 灣仔駱克道42-50號君悅居地下E舖 #報名8月酒店試睡員 #南山酒店