🧳Staycation🧳 🏨天水圍嘉湖海逸酒店🏨

#必去staycation 天水圍之旅第二間酒店，成間酒店嘅設施同裝潢設計感覺上都似係住宅轉做酒店，似去人哋屋企玩多過似住酒店😂，唔似正常酒店水平，完全感受到誠哥到底係點發家致富🌚。 💠特色 ✅冇wi-fi冇wi-fi冇wi-fi（重要嘅事要講三次🥴） ✅房內帳篷 ✅送飛行棋同海豚公仔 ✅包早餐同兩大兩細下午茶 ✅3點late check-out 💠酒店及客房裝潢 房間唔夠光，樓底矮，裝修舊同老土🤦🏻‍♀️，唯一好在有廚房同餐枱，方便喺房開餐。個package跟咗帳篷同加大版飛行棋，小朋友可以喺房玩下飛行棋消磨時間。 酒店前台同大堂staff服務都唔錯嘅，不過有啲甩漏，我check out嗰陣時見到其他客有公仔攞先發覺佢畀漏我🤦🏻‍♀️。 💠酒店設施/餐飲 早餐好削，比茶記仲差，得啲包同腸仔蛋茄汁豆😂，點心白粥都冇。係個下午茶有啲睇頭，整體都做得唔錯，卷蛋仔都幾好食。晚餐買咗逸逸居嘅外賣，唔怪得之咁平，完全就係普通酒樓嘅質素😆，只能夠講，誠哥真係好貼地好平民🤪。 酒店康體設施多，室內外都有，健身室夠大，有泳池、遊樂場、哥爾夫球場、網球場之類，遊樂場免費，其他要畀錢book🤑。隔離係天水圍公園，個公園幾靚，行下公園仲好😂。 💠總括評語 整體觀感可以，但係冇wi-fi真係好趕客，仲要用自己data都收得唔好，幾乎與世隔絕，比較適合清修靜養。🤪相比之下，我都係鍾意悅品多啲。 🏨參考房型：標準雙床套房 💵參考價錢：$1088 🚶🏻‍♂️地址：香港新界天水圍天恩路 18 號 #鴕鳥媽自肥日常 #親子出遊 #staycation #套房 #下午茶 #天水圍 #嘉湖海逸酒店 #抵玩酒店 #familytravel