紅米腸好出色🥰

#100種旅行方式 今日久違地來訪位於灣仔，點心裝修同樣出色嘅龍點心❤️🥰 裡面裝橫依舊色彩繽紛，富有濃厚嘅中國特色🥰 採用Q 版可愛嘅龍公仔作為餐廳吉祥物😍 打卡好啱😘 首先梗係要試非常熱門嘅脆脆富貴紅米腸😋 紅米腸大大盤一共有六條之多，超級落本👍 米香味濃嘅紅米腸粉中，夾著超級惹味嘅脆脆夾心，食落卜卜脆口感極佳😋 加點埋附上嘅三款調味醬料，滋味更上一層樓👍 誠意必食推介❤️ 之後㨂咗別具特色嘅一口鹹水角✅ 同常見嘅外觀唔同，鹹水角一口大小，色澤鮮豔尤如水果粒，賣相好靚靚❣️ 鹹水角食落外層酥脆，內裡煙韌軟糯，帶有濃郁嘅鹹肉香，超正🥰 炸物仲㨂咗大澳蝦醬鮮魷卷😙 個配搭幾新鮮，食落魷魚好彈牙，鹹香嘅蝦醬令魷魚嘅鮮味更出眾🤤 好出色👍 另選了飲茶必食嘅燒賣😚 燒賣勁大粒一啖咬唔曬🤣 食落肉感滿滿，軟嫩又富實感，內含原粒蝦肉，真材實料😋 最後㨂咗個飽足度滿分嘅肉鬆馬拉糕🫶 馬拉糕鬆軟可口，微微嘅甘甜滋味，配上鬆脆鹹香嘅肉鬆粒，組合出奇地合拍，令人食不停口😚 㨂咗兩款賣相勁靚嘅中式甜點❣️ 桂花糕晶瑩剔透，造型仿效玫瑰花，十分精緻❤️ 入口清新甘甜，唔會過膩過俗，好啱夏天食😋 荷花酥同樣造型美侖美奐😘 名副其實，猶如一朵盛放嘅荷花🌟 食落外層酥脆鬆化，內餡甜美無比，好有特色嘅一款甜品❣️ 🐥🐥🐥🐥🐥🐥🐥🐥🐥🐥 餐廳名稱：龍點心 餐廳地址：灣仔軒尼詩道216-218號地下A&B號舖 #龍點心 #傳統美食 #叉燒包 #燒賣 #蝦餃 #點心 #飲茶 #香港好去處 #香港打卡 #香港美食 #尖沙咀 #尖沙咀美食 #灣仔 #灣仔美食 #觀塘 #觀塘美食 #香港探店 #香港必吃 #香港美食攻略 #正能量企鵝 #コウペンちゃん #koupenchan