銅鑼灣浪漫西餐廳，難忘帶子配南瓜雲呢拿籽忌廉湯

之前去銅鑼灣食壽司郎嘅時候見到隔離有呢一間西餐廳，望落裝修好精緻，好似好吸引咁，所以就決定抽空去試一試。 . 暗黃嘅燈光，浪漫感十足，餐牌選擇唔多亦唔少，但望到大家嘅桌面，款款都好精緻，三心兩意底下，揀咗一杯cocktail &一杯mocktail、一個湯、一客煎三文魚同埋一客意粉。 . Berry Well以白酒為基底，裏面加入咗mixed berries, lemon,仲有蛋白，飲落去有少少薰衣草香，甜甜地好適合女仔飲。Salted Calamansi Lemonade就類似西式嘅鹹柑桔，爽爽鹹鹹，幾特別。 . Seared Scallop Pumpkin Soup🥣 onion, vanilla seed, cream 香煎帶子配南瓜雲呢拿籽忌廉湯： 帶子貝柱幾厚，鮮鮮嫩嫩的，南瓜雲呢拿籽忌廉湯則非常柔滑，入口甘中帶甜，個人好中意。 . Pan Seared Salmon🐟 lemon beurre blanc sauce, edamame, baby spinach 香煎三文魚柳伴菠菜苗枝豆配檸檬牛油汁 三文魚煎得皮脆內嫩，熟到控制恰到好處，檸檬牛油汁🍋微酸微甜，濃稠中帶點奶香，為三文魚提味不少。 . Mussels & Clams Rigatoni🍝 shallot, garlic, red bell pepper paste 紅椒汁煮青口伴蜆大通粉 管狀嘅長通粉中間剛好掛汁，食落質感彈牙中帶點煙靭，青口亦飽滿柔嫩，整體不錯。 ～～～ The Grill Room 銅鑼灣駱克道463-483號銅鑼灣廣場二期3樓3B號舖 #西餐 #美食指南 #美食之旅 #銅鑼灣美食