酸種薄餅石燒牛，追求創新合潮流

餐廳：Epoch Bistro (何文田) 地址：何文田窩打老道67E號怡景大廈地舖 何文田嗰邊一向多小店餐廳，不過近年餐廳轉換嘅速度真喺好快，一段時間無過嚟唔少餐廳都已經改頭換面🔄，就好似我今次去咗何文田窩打老道呢間開咗就快1年嘅Epoch Bistro咁，取名做Epoch「新時代」，希望比大家喺呢間小酒館入面品嚐到一啲新元素美食😋 餐廳有室外同室內座位，室外位置喺Pet Friendly嘅🐶。呢度晚市打主多國菜，除咗意粉、沙律🥗、肉類🍖、小食，佢哋嘅石燒系列同酸種薄餅仲成為咗唔少人必叫嘅食物🍕，因為都真喺幾有特色✨ ✝️巴馬火腿酸種薄餅 $150 (8折) 是日優惠酸種薄餅有8折，緊喺唔可以錯過😍。美式Pizza、義式Pizza呢啲都喺比較普遍經常食到嘅Pizza，餐廳特別推出用咗酸種餅底整成嘅Pizza，咬落嗰陣成塊餅都好Airy，鬆脆之中又不失煙韌口感😌。一份有兩大件，每件預先切開六小份，放上巴馬火腿、火箭菜、番茄醬同Mozzarella cheese🧀，呢啲經典嘅Pizza食材組合埋一齊無得輸，最重要都喺有好食嘅餅底🤪 ✝️石燒美國頂級牛板腱 $198 好少喺西餐廳見到有石燒♨️，的確幾有驚喜🎉，因為一般都喺日式石燒專門店先見到，揀咗自己想食嘅肉🥩，店員就會燒到接近3成熟再用熱石上枱，等客人可以按自己想要嘅熟成程度去燒，可以話喺有得玩又有得食，不過由於熱石嘅溫度好高🔥，嗱嗱臨影完相燒完兩邊就要快啲夾起，如果唔喺就會燶晒😂。出名脂肪唔多帶有少少筋部嘅牛板腱，有咬口得嚟牛肉羶香味夠香濃🐂，不過以份量同要自己燒嘅角度嚟睇，呢個價錢好似有少少進取🤏 ✝️烤雞胸羽衣甘藍雜菜沙律 $98 呢個雞胸沙律性價比高啲🥗，烤香咗嘅雞胸肉雖然有啲乾身但食落唔嚡夠鮮嫩，充滿陣陣雞肉香🐓，除咗羽衣甘藍仲有其他沙律菜同車厘茄、西柚、青瓜等伴菜🥒，加咗啲黑醋酸甜開胃🤤，食完pizza同牛肉再食沙律有去膩嘅作用 除咗酒精飲品同梳打之外🍹，呢度仲有意式咖啡同茶飲☕️，叫主食加$38升級做套餐嘅話會有埋是日餐湯/沙律同港式飲料，叫其他特飲亦可享有半價優惠