夏天打邊邊, 爽!

都說打邊爐是全年皆宜的活動，即使是三十幾度的高溫，只要話去打邊邊，我都會奉陪到底。 如是日，久違了的桌球局之後，波友話想食火鍋，我暗喜，即時上網搵地方。 偽懷舊的裝潢，店內播放著80、90年代的經典歌曲，好像回到最美好的時光一樣，至少我係咁覺得。 混醬、揀湯底，乃打邊爐指定動作。今次揀左花雕醉雞鍋，有半隻雞。 按店員指示，湯滾起先來一小碗，再放雞件。湯底的確幾重花雕味，雞件肉質都唔錯。 雞件清得七七八八，開始吃其他火鍋配料，牛肉當然是必點的東西，眾多款式之中，要碟大既手切本地牛。 睇碟牛既外表幾靚的，在湯鍋內拖幾下即可。肉質軟嫩，帶點肉香，聽店員講要碟大係無錯的。 響鈴是自家製的，不是交貨，有點誠意。輕輕浸一浸，三秒都嫌多，質感介乎鬆脆與軟腍之間是最好的。沾上酸酸甜甜的汁醬，我覺得同樣是吃火鍋必備的配料。 二人食力太有限，半隻雞加碟牛，基本上已KO左我哋。食埋份皇帝菜，飲埋枝烏龍茶，大熱天時打邊爐都可以好爽皮的。 要讚店員識得做推介，會主動加湯、換碟，服務好過唔少星級餐廳。 餐廳資料: 同撈同煲 銅鑼灣堅拿道西10號冠景樓2樓B號舖 #foodphotography#美食指南