旺角抵食惹味川式烤魚

#mc帶你去旺角 . 香港愈來愈多麻辣川菜店，烤魚、串燒更係人氣食式！今次就揀咗間旺角烤魚店，有齊烤魚同串燒，一次過滿足兩個願望！ ➖➖➖➖➖➖➖➖➖➖➖➖➖➖➖ ✨ 我要烤魚串燒烤魚專門店 . 餐廳主打川菜料理，包括招牌香滑烤魚、即燒串燒、惹味涼菜等；而店內環境寬敞，枱與枱嘅空間闊落，冷氣十分充足，坐得舒適之餘，食得舒服。 ➖➖➖➖➖➖➖➖➖➖➖➖➖➖ 🥢 藤椒魚皮｜$38 . 作為餐前小食，份量剛剛好。魚皮非常爽脆，質感嫩滑彈牙，食落微微冰凍，加埋藤椒麻香味，十分惹味開胃！ ➖➖➖➖➖➖➖➖➖➖➖➖➖➖ 🥢 重慶麻辣烤魚｜$298 [配鱸魚｜小辣] . 鱸魚肉質細嫩厚實，而且魚骨比較少，啖啖魚肉，而且魚邊位金黃香脆，超有口感！而且配料十分豐富（免費奉送），有蓮藕、萵筍、大荳芽、娃娃菜（或者花菜）、薯仔片、魔芋爽。重慶麻辣味道惹味偏麻，夠曬刺激！ ➖➖➖➖➖➖➖➖➖➖➖➖➖➖ 🥢 啫啫墨魚滑入烤魚｜$78 ✨推薦✨ . 直接將墨魚滑同烤魚一齊煮，所以非常入味，口感爽滑彈牙！ ➖➖➖➖➖➖➖➖➖➖➖➖➖➖ 🥢 玫瑰露鵝腸｜$48 . 賣相十分特別，用了鴨仔造型盛載鵝腸，鵝腸偏瘦但口感爽脆！ ➖➖➖➖➖➖➖➖➖➖➖➖➖➖ 🥢 鹽燒牛舌芯｜$28/串 . 一串三件厚切牛舌，口感超軟腍爽口，簡單鹽巴及黑胡椒嘅調味，保留到牛舌嘅原汁原味。 ➖➖➖➖➖➖➖➖➖➖➖➖➖➖ 🥢 椒鹽翠玉瓜｜$10/串 . 微微軟腍，口感爽口多汁，調味粉亦唔會太多。 ➖➖➖➖➖➖➖➖➖➖➖➖➖➖ 🥢 孜然燒土豆｜$10/串 . 薯仔控不能錯過！土豆片厚薄均勻，香脆十足，每片都撒上孜然粉，超惹味！ ➖➖➖➖➖➖➖➖➖➖➖➖➖➖ 🥢 菠蘿青檸梳打｜$28/杯 . 大大杯嘢飲！菠蘿製成沙冰，加上青檸，味道清爽，消滯解膩之選！ ➖➖➖➖➖➖➖➖➖➖➖➖➖➖ 🥢 百香果水果茶｜$28/杯 . 大大杯水果茶！百香果果味清新，健康清爽又解渴！ ➖➖➖➖➖➖➖➖➖➖➖➖➖➖ ⭐整體︰8.5/10 ⭐食物︰9.0/10 ⭐環境︰8.5/10 ⭐價錢︰8.0/10 🟰🟰🟰🟰🟰🟰🟰🟰🟰🟰🟰🟰🟰🟰 📍 我要烤魚串燒烤魚專門店 地址：旺角通菜街1A-1L號威達商業大廈Deli2 1樓1A號舖 交通︰港鐵旺角站 E2 出口 🟰🟰🟰🟰🟰🟰🟰🟰🟰🟰🟰🟰🟰🟰 #ming_course #油尖旺區美食 #旺角美食 #旺角好去處 #香港美食 #香港探店 #旺角 #我要烤魚串燒烤魚專門店 #我要烤魚 #香港烤魚 #旺角烤魚 #旺角串燒