🧳Staycation🧳 🏨天水圍悦品天秀酒店🏨

#必去staycation 🧳Staycation🧳 🏨天水圍悦品天秀酒店🏨 趁長假期決定出走天水圍嚟個輕旅行，一連兩晚，第一晚住悅品天秀，第二晚住嘉湖海逸。悅品呢個package經永記訂減咗300蚊，$850包三個人半自助午餐連免費借單車，抵抵抵👍🏻！ 💠特色 ✅免費借單車遊天水圍 ✅房大床大空間感好 💠酒店及房間裝潢 第一次住悅品嘅酒店，對品牌嘅印象都幾好，行清新活力路線，服務人員親切有禮👍🏻。房間就最有驚喜，雙床房係兩張雙人床，樓底超高，落地大玻璃採光好好，空間感超強，住嗰兩日天氣又好，睇住好開揚嘅天水圍市景，藍天白雲冇得輸🤩。可惜窗前冇梳化同茶几，唔係就可以坐喺度嘆茶😔。 💠酒店餐飲 Package包咗半自助午餐，check in當日去食。餐廳又係樓底好高、好闊落光猛，座位寬闊疏落，冇市區餐廳咁逼仄。入座order咗主菜之後，就可以去自選前菜。自助前菜分咗沙律吧、麵包湯品同甜品區，沙律都還算新鮮，不過豆類比較多，我哋唔啱食。麵包同中西湯就都幾好，又有得玩pancake機，係個甜品比較雞肋，唔係好符合酒店餐廳嘅水平😅。 主菜我哋叫咗一個豬扒、一個牛扒、加一個大蝦意粉，味道都唔錯，正常西餐水平。整體餐飲體驗都幾好，服務員姨姨態度又親切，抵讚👍🏻！ 💠親子措施/活動安排 我哋食完lunch休息咗一陣就去踩單車，酒店包咗免費借單車踩，一人一架，小朋友單車都有，不過啲單車好似壞壞地，係咁甩鏈🤦🏻‍♀️，同酒店反應咗希望佢哋可以改善下🤷🏻‍♀️。附近有濕地公園，好近，完全係walking distance，不過我哋一早安排咗第二日check out之後去大棠有機生態園，所以冇去到。 💠總括評語 整體都滿意，主要係以酒店嘅價格同定位，最後房間同食物嘅水平都有驚喜。呢間酒店帶畀我嘅感覺有少少似愉景灣嗰間，好有旅行feel，下次再來天水圍我都會住佢。第二晚嘉湖嘅感覺就差好多啦（詳情見嘉湖海逸分享post），果然係沒有比較就沒有傷害🙈。 🏨參考房型：尊貴悅品客房 💵參考價錢：$850 🚶🏻‍♂️地址：元朗天水圍天秀路8號 #鴕鳥媽自肥日常 #staycation #親子出遊 #天水圍 #悅品天秀酒店 #半自助午餐 #踩單車 #抵玩酒店 #familytravel