天后隱藏高質西餐 😎推！

上星期襯兩個寶寶暑假前與hubby拍拖👫， 難得兩人外出，食好啲、食特別啲好應該！ 食完唔錯👍食物good quality, 老闆都好nice, 係有心做好食物和服務的餐廳😎 位置不在旺區大街，但唔難搵， 喜歡位置帶一點寧靜呢！ 餐廳裝修高雅～ 枱與枱之間都闊，座位舒適！ 餐廳最吸引我🤩就係有得叫 #生蠔 Menu有6款生蠔🦪選擇，另外有一款焗蠔 愛蠔的我😙當然要試試！ 唔錯啊👍我哋問了老闆試了3款推介生蠔， 新鮮而又各有風味！ 🦪南非Saldanda Bay 偏向清甜，如果同時食幾款蠔要第一款食 🦪愛爾蘭Irish WBS 海水味極濃🤩，入口Creamy 🦪法國 Ostra Regal 厚厚蠔身，濃濃的海水味， 食完係個口中留有好耐嘅蠔香 叫完一輪後，我哋再encore 多2隻 Ostra Regal 😋😋 前菜就試咗 ✨Prawn Toast 脆炸鮮蝦多士 ✨Duck Foie Gras 香煎法國鴨肝 鮮蝦多士上面有隻超肥美嘅鮮蝦與麵包一齊脆炸，非常香口！法國鴨肝煎完上碟非常香濃，食嘅時候配上蜜桃和脆多士，鹹甜感覺共冶一口，非常滋味！ 呢2個湯都推介👍 Classic Lobster Bisque 經典龍蝦湯 French Style Onion Soup 法式芝士焗洋蔥湯 龍蝦湯非常之濃郁，而且更加咬到嘅龍蝦肉！洋蔥湯煮得非常香甜，配上梳打餅乾，而不是酥皮，感覺不會太heavy得來梳打餅比食酥皮脆口好多！ 主菜嘅Grilled Angus US Prime Rib Eye 炭燒美國安格斯優質肉眼配時令蔬菜，煮到medium well，肉眼牛味香濃，用炭火燒更帶有一種燒烤香！肉質軟淋，無筋，好喜歡😍 配菜包括烤蒜頭🧄、粟米🌽、薯仔🥔，都太好味嘅關係被我食哂😂 總括今晚係食物非常高質，味道好好，價錢係高少少，但值得嘅！ 呢度都多人包場，想試可先訂定位！ ✨SOOO OYSTER GRILL & PASTA #天后 #西餐 #蠔吧 #報名7月酒店試睡員