別出心裁既天婦羅廚師發辦料理體驗

鵜舞✨天婦羅一向以高質、日本直送食材為賣點， 最近更邀得重量級日籍總廚長澤佳明隆重加盟🥳 今夏推出別出心裁既天婦羅廚師發辦料理體驗， 可以一嚐擁四十多年日本料理經驗之長澤總廚👨🏻🍳 所主理既高深精絕技術 — 天婦羅💖 晚市享受之美食選用長澤總廚家鄉靜岡縣出產既高質時令季節食材💁🏻♀️ 套餐有齊季節前菜、湯、 茶碗蒸、時令天婦羅料理、天茶及甜品，大滿足💋 🔹前菜🔹 👉🏻胡麻豆腐 綿密口感佳細膩軟糯，豆味極濃厚 👉🏻螢光魷魚 飽滿多膏，鮮味突出，散發獨特甘甜味道 👉🏻粟米球 爽甜粟米粒經炸得，金黃酥脆，香甜又可口 👉🏻碎吞拿魚腩 滿滿脂香，幼細香滑，口感軟綿綿，配以蔥花、蘿蔔粒等同食，層次豐富 食完前菜，就正式可以品嚐天婦羅啦😬用上棉花籽油，令天婦羅香而不膩，超出色🔥 🔹太刀魚大葉 選用自神奈村太刀魚，肉身厚脂肪多，以大葉包裹再炸，入口魚油香氣四溢，質感扎實富嚼勁 🔹紋甲魷魚 來自瀬戶內海之紋甲魷魚極厚身，食落爽口彈牙、軟糯綿密，咬落下感受到重重鮮味，令人一試難忘 🔹甘鯛 選自愛媛甘鯛，貴族魚之最，魚肉稠密，肉質緊實清甜又多汁 🔹連鬚葉日本粟米仔 時令必試來自愛知縣既小粟米，連鬚葉同炸至金黃色，散開形態奪目吸睛，入口甘甜鬆化， 嫩身甜度高 🔹舞茸菇 來自長野之舞茸菇 具豐富肉質及彈性，香氣馥郁，散發濃郁菇香，鮮美得黎仲好嫩脆爽口 🔹蜆清湯 肥美大蜆豐滿鮮甜又嫩滑，煮製出清澈湯頭，熱辣辣飲落暖胃一流 🔹活蝦生海膽 新鮮活蝦飽滿Q彈，蝦味濃厚，食落極彈牙，面頭仲有金黃色海膽，入口軟滑即溶，鮮味十足 🔹活幼香魚 (琵琶湖) 時令和歌山活幼香魚，餐廳精心選用和歌山稚年期香魚，沾上粉漿製成天婦羅，長澤總廚更特意保留其水中躍動姿態，絕對有驚喜！香魚肉質鮮甜細緻，格外甘香 🔹白蘆筍 北海道白蘆筍鮮嫩甜度高，咬落多汁爽口，相當脆嫩，而且膳食纖維豐富，有利於腸胃蠕動 🔹鰻魚 鹿兒島優質鰻魚，配以精心調製之醬汁，加入少量山葵，多重口感層次十足，鰻魚口感蓬鬆柔軟，細嚼慢嚥感受天婦羅鰻魚滋味 🔹天茶 揀咗茶漬飯，面頭超震撼既天婦羅蝦香酥鬆脆，彈牙又香甜，底既茶漬飯飯粒豐盈飽滿充滿飯香，高湯香甜，溫暖鮮味令人超級滿足 🔹靜岡縣蜜瓜 日本蜜瓜之首，一向深受港人喜愛～青色瓜肉清甜多汁，新鮮可口，令人齒頰留香 午市廚師發辦每位$380、$580及晚市每位$780、$980，有興趣可提前致電餐廳預訂💘 鵜舞Umai ✨ 📍九龍荔枝角長義街9號 D2 PLACE ONE地下2號舖