跑馬地精緻手工意粉

逢星期三係賽馬日 呢晚同朋友去跑馬地食個Early Dinner 之後再入場湊下熱鬧!🐎🐎 🌟Focaccia $40 呢款意大利麵包口感鬆軟 又有好香嘅橄欖油味 配上小香蔥同Sour Cream 嘅醬一齊食更加滋味 就算係簡單嘅麵包都好好食🍞 🌟Zucchini Croquettes $68 Homemade garlic mayonnaise嘅蒜蓉味出之餘又唔霸道🧄 襯埋外層香脆 內裏creamy嘅薯蓉同少少爽口嘅zucchini口感味道多變 好推薦呢個餐前小食😍 🌟Pappardelle Bolognese $168 餐廳嘅意粉都係Handmade 所以口感較煙韌 超寬麵可以捲起更多肉醬 非常滿足 而且肉醬嘅蕃茄味鮮甜🍝 🌟Cavatelli Melanzana $148 貓耳朵口感煙韌 麵團中間凹落去 可以兜住更多醬汁同蔬菜🥒 食落每一啖更濃味 口感更豐富😋 🌟Mastroberardino Aglianico/ Sparkling Water $90/$10 餐廳話明係Wine and Pasta Bar 除左意粉必食之外 當然要點返杯酒🍷 點左呢一杯意大利嘅Aglianico 擺一陣醒一醒酒味道更好 餐廳位於巷仔嘅角落 所以旺中帶靜 唔算難搵 侍應拎左個裝左唔同種類嘅意粉盒同我地介紹 而且會做埋待酒嘅工作 非常專業👍🏻 📍Aedes Wine & Pasta Bar (跑馬地) 跑馬地源遠街14號地舖 #美食指南 #foodphotography #西餐 #跑馬地美食