東涌高質brunch 推介@The enclave

The Enclave (東涌) 📍 東涌達東路16號香港銀樾美憬閣精選酒店9樓 難得放假同老公搵地方拍拖👩🏽🤝👨🏼，再一次到訪朋友介紹東涌東薈城上蓋「香港銀樾美憬閣精選酒店」入面有間半自助餐幾正，於是在其官網訂位大快朵頤。 「The enclave」位於九樓，可在東薈城樂天皇朝旁的升降機直達9樓。當天準時12點入席，店員殷勤有禮，主動介紹菜單。 餐廳用上墨綠色做主調，搭配金色邊框面門，高級感盡顯，配上大綠色沙發🛋️、望住出面植物叢林景，好渡假悠閑感覺， 今天是假期，可享用銀悅早午餐，價錢HKD 278，包廚師精選海鮮拼盤、自助吧、一份主菜和精選餐酒啤酒🍻/咖啡或茶一杯。 特選海鮮拼盤（贈送）： 大蝦新鮮彈牙，非常容易脫殼種爆膏！螺肉鮮甜沾上泰式辣醬提升鮮味。青口肉厚反而冇咩味，可以沾上蛋黃醬試新口味。 鐘意食沙律菜開胃菜朋友一定要食grazing table ，當天有迷你牛角包🥐、椰菜花沙律🥗、紅菜頭沙律三色椒🫑、仲有秋葵、火腿、點少得多款沙律dressing and toppings💕，味正式食主菜都飽左一半。仲有多款水果有西瓜蜜瓜橙，仲有荔枝。仲有奶凍同埋多款時令水果。 最後誠意係有新鮮煎蛋檔，可以自己設計返一個your own all day Breakfast，提供晒煙肉腸仔蛋薯餅仲有雞蛋仔，幾有誠意。 主菜： 鱸魚柳： 香煎鱸魚柳外表煎至焦脆、魚油香溢，肉質厚實，一啖接一啖，只係用上鹽作簡單調味、低調而出色，配上菠蘿同埋雜豆，仲有香烤連皮薯仔🥔不錯！充滿地中海風格。 明太子帶子意粉：估佢唔到用上牛油起鑊，煮日式嘅嘢用上西式嘅方法，帶子鮮嫩多汁，從保留一絲絲咬口，明太子唔會死鹹，完美融入意粉當中，加上紫菜碎，意粉al dente ，不錯。 甜品🍮： 有芝士蛋糕，朱古力布朗尼，整體不錯。 拉花咖啡☕️都值回票價，誠意可加。 總結： 環境氣氛一流 高質美味半自助午餐 位置優越 店員服務態度好 #東涌#香港銀樾美憬閣精選酒店#theenclave#weekendlunch#grazingtable#cheese#salad#dailysoup#pumkinsoup#marketfish#porkbelly#dessert#icecream