石一燒📍九龍城

夜晚去接呀肥放工～係附近見到呢間裝修日系幾有feel既石燒餐廳 叫左個極上和牛盛會2人前$698 胡麻沙律~有生菜同羽衣甘藍~都幾大兜 櫻花蝦味蹭湯～一上枱已經聞到好香蝦味，海量櫻花蝦完全見唔到湯，入面仲有昆布、木耳，非常香濃 前菜三品： 店員建議食法甜、酸、辣 炸牛乳～香脆微甜，唔錯 柚子蟹柳～開胃清新 帶子裙邊～入面仲有貢菜微辣 16oz和牛盛會由左食起，燒到一半可以燒菇盛會 左起：九州A4和牛上前腿肉、澳洲和和封門柳、九州A4和九三角胸 另外店員推介自家鹽～食落有少少辣，突出牛既甜味 個人最鍾意牛小腿～食落牛味濃郁～嫰滑 封門柳～燒完最juicy～夾起有肉汁滴落嚟～三款中比較有咬口 老公話最鍾意牛三角胸～牛味濃油脂豐富～配埋飯食簡直可以炫兩碗飯 要左一碗飯～再升級左豬骨湯稻庭烏冬，配料有昆布＆木耳，煙韌彈牙 菇盛會有本菇＆大啡菇～大啡菇燒完仲好juicy～ 飲品： 試個特別既普洱咖啡～店員推介原因解膩一流～ 第一次飲幾特別～飲完有回甘，確實無咁膩 甜品： 雲尼拿雪糕配無花果碎～ 要先倒少少水落抹茶粉搞呀搞 因應稀杰再自行加水 搞完將抹茶汁淋上雪糕 匙羹係櫻花形好靚 呢個甜品有得玩又有得食好開心 埋單店員會比張驚喜幸運卡你，自己係8格入面揀1格擦掉，每格都有唔同驚喜，非常有🩵 食物唔錯，環境舒適，會主動問需唔需要椅背套，幫忙笠住d袋唔好彈到，非常細心。店員好nice會用心講解，下次會帶埋幸運卡番嚟再嚟試其他 #九龍城美食 #石燒 #和牛 #日本菜