Staro📍TST

今日約左跳舞朋友去尖沙咀諾士佛臺一間超靚既星空主題餐廳相聚～ 一出𨋢真係好似置身係銀河系～好靚既藍色 book左枱未夠鐘係門口搖搖椅影下相先🩵 影完之後都要等一陣先坐到靚靚波波枱～ 超夢幻打卡一流 我地叫左濃香魚湯白酒煮鮮蜆伴香草麵包條$178 蜆肉非常肥美鮮甜，香草麵包條幾有咬口，蘸埋魚湯一齊食，唔錯。 巴馬火腿肉醬水牛芝士餃子手工薄餅$178 一上枱會先進行點火儀式～巨型餃子大過我塊面~切開入面好多料，芝士可以拉絲，肉醬同火腿食落咸香味十足，薄餅皮唔算厚，幾有咬口，打卡一流。 鮮拆龍蝦手工闊條麵$338 店員會先打燈比我地見下龍蝦既真身先拎去煮～ 手工闊麵食得出既煙韌，半邊龍蝦好大隻，切開5~6件，肉質厚實爽口，蝦膏味濃郁。 炭燒澳洲M5和牛西冷扒伴法式手工薯蓉$368 M5和牛西冷都幾腍，切開仲有d粉嫰，食落油香味十足牛味濃郁，薯蓉好香牛油味好creamy～忍嚟住一口接一口~非常邪惡～車厘番茄一咬爆汁，其他配菜都唔錯。 飲品： Staro $148 超靚既藍色～絕對係打卡之選～酸甜易入口～藍怪表示很滿足 Apollo $98 太空人抱住杯野肉好cute～飲落好亞熱帶感覺 Aurora $98 飲落菠蘿味好突出～清新既感覺 三杯飲品橙、綠、藍cheers 好靚～環境超靚～打卡位多，食物＆飲品都好有水準，店員們亦都好配合我地想影相吹多幾次波波，呢度好啱情侶係度談🩷，朋友聚會既好地方～