Odelice📍荃灣西

媽咪番墨爾本既日子正在倒數 今日帶佢去海之戀商場食個Brunch Set 超豐富既早午餐～頭盤揀左是日餐湯＆炸黑松露蘑菇球 Truffle Mushroom Croquettes ～外皮脆一切開聞到好香黑松露味，食落菇味亦濃郁～湯係脆肉瓜忌廉湯～比較清新 主菜： 牛油果班尼迪尼蛋加煙肉 Avo Eggs Benedict add bacon 賣相好吸引～麵包好脆～Onsen Egg係溏心既，最正係牛油果沙律～好creamy 同媽咪一人一個好滿足，燒薯粒軟硬度適中蘸埋荷蘭醬汁好惹味 英式早餐蕎麥薄餅 English BreakFast Galette 包括：煙肉、太陽蛋2隻、芝士、蕃茄、雜菌、餅面有沙律 第一次食蕎麥餅，口感幾特別，好大塊～第一口感咸香味～蘸蛋汁都唔錯，蕃茄帶少少酸中和膩感 因為想留肚食甜品，所以切左半塊打包😆 飲品： 兩杯Latte～拉花好靚，咖啡香濃，再配Lotus Biscoff餅乾～正呀 甜品：焦糖餅乾口味芝士蛋糕 Speculoos Basque Cheesecake 焦糖餅＆醬伴碟～一切開係流心架好驚喜～芝士味濃～中間比較軟心，邊有少少脆，口感唔錯 點半呢個時間都幾滿座～座位有卡位有高枱，仲有室外座位望海～幾chill～不過今日咁曬梗係坐室內涼冷氣😆下次會想試下Picnic in Paris～好靚既巴黎鐵塔 #法國餐廳 #荃灣西美食 #西餐 #海之戀 #odelice #香港美食