豆乳狂人🍼有驚喜粢飯😎

好鍾意食豆乳狂人！仲記得多年前喺沙田河畔花園有第一間舖，外賣過一次已經覺得好足料，不過嗰時舖頭唔就腳，所以唔可以成日去。而家豆乳狂人嘅分店越開越多，好多商場都有進駐，要食到佢嘅出品就簡單好多喇😌我今次去咗黃大仙分店，裝修好靚，好多可愛打卡位🤩 🍙牛油果鰻魚玉子栥飯 ($55) 呢度嘅栥飯好好食，不過價錢真係偏高，話雖如此，間唔中都係想買一個回味下！而家出咗幾款新式口味嘅栥飯，點咗呢個比較特別嘅牛油果鰻魚玉子栥飯，飯糰咁樣就食得多，中式栥飯形式就真係未試過。除咗有牛油果鰻魚玉子，入面仲包咗肉鬆及油炸鬼，鹹鹹甜甜，味道好好！栥飯爆晒餡，食一條已經超級飽足😉 🍚海苔肉鬆脆皮木棉豆腐($38) 木棉豆腐炸得外脆內嫩，豆香濃郁，面頭灑上大量海苔及肉鬆，好惹味😂