尖沙咀CP值高一人火鍋店😋

以前覺得打邊爐係冬天獨有既特式，不過隨住年代變化，宜家四季都可以打，而且唔一定要一大班人去打，就算得一個人都可以盡情咁打🤣 前排係尖沙咀the one發現左哩間新開左一排既台式一人火鍋店，店內既空間感好闊落，3邊都有落地玻璃，光線好充足，以橙白色作為餐廳既主調~座位下面都好貼心準備左個藍比食客擺私人物品😉 餐廳有好多唔同類型既套餐，大家可以跟返自己喜愛既口味去揀，而佢地既鍋都標榜左係鴛鴦湯底，個固定湯底就係佢地既養生菇菌鍋，而另一個湯底就可以自選~😻 今次同朋友分別叫左一個豚肉同羊肉套餐，湯底方面，一個揀左脫俗蕃茄鍋，另一個揀左昆布柴魚昆布鍋，3款鍋底最出色同有驚喜既，個人會覺得係個養生鍋。菇菌味非常濃郁，入面仲有好多菇係度😍菇菇愛好者真係不得不試😋😻 肉類方面，兩款肉都唔錯，唔係餸頭餸尾既肉片，食得出係新鮮既，一啲雪氣味都無👍🏿👍🏿兩個套餐都包左野飲，大家可以選擇配茶飲或手搖飲品都得😉 除此以外。佢仲有一盤配菜，以蔬菜為主，但不得不讚佢粒貢丸好好食🤣好juicy，係真材實料既感覺呀~~福袋都好好味😋如果唔夠飽，仲可以係出面自助吧攞唔同既麵食，有紫薯麵、王子麵、都削麵，等等…… 食完正餐，想完滿啲仲有無限量任食既刨冰，有唔少配料可以自己調製~ 整體黎講，我覺得哩間一人火鍋店絕對會係一間會令我encore既火鍋店，用料暫時都覺得唔錯，推介比所有火鍋控😉 📍呷哺呷哺 (The ONE) 尖沙咀彌敦道100號The ONE UG2樓220-221號舖 #尖沙咀美食 #尖沙咀好去處 #尖沙咀一人火鍋 #一人火鍋 #台式火鍋 #shabushabu