高級潮洲菜 - 鮑魚海參

餐廳裝修設計簡約典雅,帶有點兒中國色彩,枱與枱之間距離寬敞,坐得舒適,服務員招呼殷勤有禮。 厚菇焗鮑魚 廚師將鮑魚焗得夠淋又入味,食落夠嫩滑，配有菜心作伴碟。 厚菇炆海參 海參厚身又粗壯,經廚師烹調,厚菇和海參煮得好入味又淋滑,海參食落有骨膠原既口感同膠質。 鹵水拼盤 拼盤有豬大腸,鹵水鵝,鵝紅和鹵水豆腐,非常豐富,豬大腸冇騷味,好食,其它鹵水都唔錯。 汕頭煎蠔烙 蠔烙煎得夠香脆,肥美的蠔又大隻,食落好香口。 潮式炸蝦棗 蝦棗炸到金黃色,外皮炸到脆卜卜,餡內蝦肉又彈牙。 方魚蠔仔粥 肥美嘅蠔仔份量都不少,方魚食落香口,一窩蠔仔粥可分8碗。 魚露浸花螺 廚師一早將螺肉取出烹調,免除客人動手挖取螺肉,新鮮花螺食落鮮甜。 正潮樓(銅鑼灣)