「究極堂」銅鑼灣：高質日式餐廳

究極堂📍香港銅鑼灣 未有得放假去日本，勁掛住日本嘢食。嚟到銅鑼灣行街，特登揀咗呢間日式餐廳食晚飯。係平日晚上，但已經接近坐滿晒人。環境設計簡單舒服，唔會坐得好迫，可以同朋友坐喺度慢慢傾計👭👬 🔸明太子芝士玉子 蛋嘅口感好似布甸咁嫩滑，拉絲嘅芝士，配上鹹香明太子，同埋粒粒蟹籽，口感味道層次非常豐富 🔸燒煙燻蒜香火灸吞拿魚 呢個賣相幾得意，上枱時有透明蓋，未食之前一開蓋，陣陣煙湧出嚟，已經係視覺盛宴。食落吞拿魚非常鮮嫩，有淡淡嘅煙熏香蒜味，真係一種全新體驗。 🔸海膽右口魚邊蝦卷 海膽左口魚炸蝦係個好神奇嘅組合，海膽味鮮甜，右口魚燒得好香，油脂豐富，入口即溶，壽司飯中間包住香脆嘅炸蝦🍤呢個配搭非常之夾👍🏻 🔸炸雞軟骨配海膽醬 炸雞軟骨個份量都好大，炸得好香脆，海膽醬嘅話令到雞軟骨唔會淨係鹹味，帶啲海鮮嘅感覺！ 🔸芝士年糕 一碟有兩件，炸得外皮香脆但唔油，年糕煙韌軟糯，內部有邪惡流心芝士🧀濃郁的芝士與年糕相得益彰，非常好吃🤤 🔸帶子他他 表面金黃，內裏帶子嫩滑新鮮 🔸炸半熟玉子 表面金黃，流心蛋黃，外脆內軟，口中滿溢住蛋香🥚 🔸濃湯番茄咖哩牛肉烏冬 濃湯番茄加咖喱，無諗過可以咁夾，香濃嘅咖喱🍛加鮮甜嘅蕃茄🍅湯底超濃郁，飲唔停！有好多件肥牛，一啲都唔老，而且烏冬都好彈牙🍜 🔸塩燒白鱔 鹽燒白鱔好出色，燒到好香，皮脆肉嫩，有彈牙的口感，一啲都唔腥 🔸粟米天婦羅 喺期間限定嘅黑板見到😆 粟米天婦羅又真系未食過，好奇一試😂天婦羅有咩特別調味，粟米特別香甜，點左少少玫瑰鹽，更突顯粟米嘅甜👍🏻 🔸焦糖芝士蛋糕 芝士蛋糕香濃軟滑，加上脆脆嘅焦糖面帶黎嘅一絲絲嘅焦香，甜度適中🍰 #美食指南 #銅鑼灣美食 #銅鑼灣美食 #香港美食