《任你魚肉雞煲烤魚火鍋放題》

五一假期，沒有外遊，就找一間店食餐好！聽同事推介來到二鍋頭尖沙咀分店食它的無限時任你魚肉烤魚雞煲火鍋放題！ 自助區有各類罐裝飲品、蔬菜、丸類及雪糕雪條，隨便拎。 這個套餐可以任食二鍋頭的招牌煲類，包括招牌惹味雞煲、香濃黑椒豬手煲及火焰牛尾煲。我地就揀了食牛尾煲！ 再加了$58，任飲紅白酒及汔泡酒！飲酒送牛尾，人生一樂也！ 牛尾煲上枱後再淋上玫瑰露，好香好香！個秘製醬汁無得頂，好好味！牛尾亦煮得好入味，基本上呢個煲用黎送飯係一流的！如果唔係想食埋烤魚同邊爐，一定會encore多一個! 烤魚選了麻辣湯，大大煲上枱，滾起就食得！魚我地㨂了海鱸魚，肉質比較結實但不失嫩滑，最重意佢骨不多，所以入口啖啖肉！兩個人一邊食烤魚，一邊飲酒解辣，好爽皮！ 食完條魚，我地都飽左7成，但既然任食，當然要試埋個邊爐！ 首先係個鴛鴦鍋唔使加錢，真係好難得！！出面啲餐廳大部份要加錢先可以鴛鴦鍋。 一邊係胡椒豬肚雞，一邊川椒麻辣鴨血。鍋底好足料，好夠味，絕不欺場。我完全唔使點豉油。 火鍋料細細份，可以每樣叫少少。必食肉的有牛板腱、羊肉、豚肉和鮮牛肉。另外帶子、豬大腸、脆鯇腩、墨魚仔、大蜆、鮮蝦都值得食。 我地仲點了幾款小食，麻辣魚皮、螺肉、麻辣鳳爪等，都十分不錯！蔬菜又新鮮，一邊飲酒一邊打邊爐，好麻甩但好好味，重點係唔限時任食！300零蚊的假錢，返深圳都無食得咁滿足。 最後肚滿腸肥，食埋雪糕、大福、泡芙就收手了，真係超飽。呢個任食真心性價比好高，好值得食。尤其一班聚會，完全唔使趕，可以盡興而歸！ 二鍋頭 (嘉芙中心) (尖沙咀) 尖沙咀漆咸道南53-55號嘉芙中心1樓 #foodphotography #美食指南 #trip #放鬆 #放題 #打邊爐 #尖沙咀美食 #尖東美食 #尖沙咀好去處 #食在尖沙咀 #尖沙咀餐廳 #香港好去處 #香港美食 #香港打卡