觀塘區相聚勝地，疏乎厘充滿驚喜

餐廳：Four O Five Coffee & Eatery (觀塘) 地址：觀塘成業街19-21號成業工業大廈地下2號舖 觀塘區一向都被稱為美食勝地，唔少望落平平無奇嘅工業大廈都卧虎藏龍，就例如成業工業大廈嘅Four O Five Coffee & Eatery @fourofive 🐉，上次食過佢地嘅黑炭疏乎厘後一直念念不忘，今日就再過嚟食疏乎厘😎 店內樓底高，夠光猛，設有大量梳發位，就算坐滿人都無乜壓迫感👍🏽，大大幅嘅水泥牆配襯乾花💐、吊燈同柔和嘅音樂好有格調，令人瞬間放鬆心情❤️ 佢哋主打西式料理，老闆特登請咗個酒店級甜品大師駐場，為大家製造人氣爆棚嘅肥嘟嘟梳乎厘🧑🏻🍳，餐廳平日11:30-14:30會提供午市套餐，包咗沙律或餐湯二揀一😉，粟米椰菜花湯輕盈暖胃，每啖都食到鮮甜嘅粟米粒🌽 ✝️墨西哥辣番茄醬智利雞胸長通粉 $128 新鮮嘅番茄醬入面混合咗辛辣嘅紅辣椒粉同黑椒等香料🌶️，配搭爽脆嘅蘆筍、蒜片、橄欖同大大件雞胸肉簡直喺色香味俱全🤓，煮到Al Dente嘅長通粉軟硬適中，每條中間都裝滿辛辣惹味嘅醬汁🍝 ✝️香煎澳洲特級殼飼肉眼8安士配乾蔥紅酒汁 $178 牛扒相對薄身同細份，但火候掌握得唔錯😌，肉芯做到七成熟🥩，肉眼位置肥瘦均勻，口感嫩滑帶嚼勁，加埋紅酒汁吊出鮮美牛香🆙，旁邊有鮮甜多汁嘅烤蔬菜伴碟，可以減低油膩感👍 ✝️原味疏乎厘配蜂蜜糖漿 +$68 (套餐加配價) 即叫即製嘅疏乎厘上檯時熱辣辣，兩塊疊埋一齊有3吋厚，賣相夠曬震撼👀，質感好似一舊雲咁蓬鬆柔軟，入口即溶嘅感覺令人欲罷不能💘，原味嘅疏乎厘可以品嚐到濃郁嘅蛋香同奶香，配上鮮果同蜂蜜糖漿食落甜而不膩🥞 叫午市套餐嘅話可以半價加配飲品，Latte (+$20)帶有醇厚嘅咖啡香，同綿滑嘅鮮奶泡沫完美配搭☕️；山政小山園[槙之白]宇治抹茶(+$24)入口順滑，甘濃嘅抹茶香四溢🍵，兩杯都附上靚靚嘅拉花，值得一讚👏🏽