夠破格點心放題，一個價錢樣樣齊

餐廳：囍公館 (尖沙咀) 地址：尖沙咀西九文化區藝術公園地下GF-01-03號舖 點心喺我心目中有無可取代嘅地位，但依家酒樓嘅「一盅兩件」越黎越貴，份量又少，計埋茶芥同加一都真喺無咩意欲想去飲茶🥲。趁假期去咗西九文化區散吓心，見到囍公館 @famparkhk 做緊平日成人只需$198(小童$158)嘅120分鐘點心放題，加上嗰日唔知點解特別肚餓，難得嚟到一於試吓🤪 囍公館FAM以特色菜餚(Food)、藝術(Art)同音樂(Music)為主題概念，為食客提供獨一無二嘅用餐體驗👨🏻🍳，店舖面積超過6000平方尺，以五顏六色嘅傢俬同畫作突顯西九文化區嘅藝術風格🎨，食客仲可以帶埋毛孩嚟用餐，一齊享受270度嘅維港美景🏞️ 餐廳糅合正宗同創新嘅烹飪手藝將傳統粵菜重新演繹，打造出造型精緻、充滿新鮮感嘅點心同手工中菜🆕，今次嘅放題可以無限任點瑤柱花膠珍珠雞、碧綠帶子卷、香草蜜豆叉燒等超過30款別出新意嘅菜色😍，仲每人多送一份芝士蝦丸、鮑魚千層酥同海參素魚翅灌湯餃，源源不絕嘅滋味包你捧住個大肚腩返去🫃🏻 ✝️芝士蝦丸 吊住喺樹枝上嘅蝦丸望落好似一粒粒荔枝，相當吸睛👀，新鮮彈牙嘅蝦肉以紅米包裹後炸至焦脆，不過就唔喺好食到芝士味🧀 ✝️鮑魚千層酥 極之鬆化嘅酥皮散發住陣陣牛油香🧈，搭配鮮美嘅鮑魚同粒粒野菌層次感豐富，食落油而唔膩👍🏽 ✝️海參魚翅灌湯餃 有手掌咁大嘅灌湯餃皮薄軟潤，一啖咬落去即刻爆汁💦，餡料以鮮蝦、北菇、豬肉等組成，每啖口感皆有不同👅，海參亦吸滿湯汁嘅精華，加埋紅醋更加開胃😉 ✝️小小楊梅 外層嘅糯米皮油炸後酥脆而煙韌，有啲似平時食開嘅鹹水角🥠，中間放咗蟹肉絲、蝦肉同帶子，濃郁嘅鮮味相輔相成🌊 ✝️蟹籽賽螃蟹餃 賽螃蟹雖然只喺炒蛋白，但細滑軟嫩嘅質感完全比得上真蟹肉🦀️，墨汁餃子皮軟硬適中有嚼勁，加埋脆卜卜嘅蟹籽就更加鮮香🤩 ✝️黑松露小籠包 皮薄餡靚嘅小籠包咬開肉汁澎湃，滿嘴充滿湯汁嘅甘香💦，芳香撲鼻嘅黑松露唔會蓋過肉香，呢種中西合壁嘅風味令人回味無窮 ✝️盆栽小蘿蔔 酥皮經過反覆摺疊成蘿蔔形後再以慢火烘焙，製作出空氣感十足嘅千層皮🥕，中間包住嘅手切蘿蔔絲保留到原有鮮甜，將肥膩感大大減低👇🏽 ✝️羊肚菌燒賣 大粒飽滿嘅燒賣上放咗一塊脆嫩嘅羊肚菌，獨特嘅菌香味撲鼻而來🍄，配上肥瘦均勻嘅豬絞肉同鮮蝦紮實中帶彈性，又喺另一燒賣新嘗試👍 ✝️芥末美國石蠔卷 石蠔以香脆網紋春卷皮同紫菜包裹著，凸顯蠔嘅肥美細緻肉質🦪，再伴以微辣嘅芥末他他醬添增一絲香辣快感🍃 ✝️龍蝦湯海皇泡飯 湯底融合咗甘香嘅龍蝦同惹味嘅胡椒，並將醇厚嘅精華都匯聚到白飯中🍚，令你每啖都充分感受到鹹中帶甜嘅風味🍲，唯獨喺加左三色豆有少少怪，個人認為唔洗加三色豆已經好好味😌 ✝️海鹽燒腩仔 肉塊取自豬五花腩嘅位置🐖，瘦肉上帶有厚厚一層嘅脂肪同燒到脆卜卜嘅豬皮，配搭出皮脆肉香、層次分明嘅滋味👍🏽