《4小時火鍋任食》

星期六天陰陰落雨，訓醒無乜野做就不如食晏食個麻辣火鍋。二百零蚊的價錢，任食4小時，真心無得輸。 揀了SRF美國極黑和牛餐，選了鴛鴦鍋，一邊是招牌麻辣一邊是限定的龍蝦頭湯，大大隻龍蝦頭和好多鮑魚菇，好濃的龍蝦味，好滿意。 落完單去自助區拎了必飲的的珍珠奶茶和大大盤新鮮蔬菜，因為呢度啲菜真係好新鮮，而且款式好多，皇帝菜、羽衣甘藍、金菇、豆苗、生菜、娃娃菜、菜心等！ 當然仲有2大個雪櫃的火鍋伴菜和丸類，一定令人食到飽飽。 魚皮、響鈴和花雕雞翼係必食，今次無加錢食海鮮，因為諗住主力食肉。SRF極黑最大塊和肥美，回本之選。安格斯牛板腱肉味較濃，仲有封門柳。牛舌係要encore再encore的item，黎牛站打邊爐，最欣賞係上菜快，好少漏單。黎牛站真係只需要任食餐內幾款肉都已經好足夠。 因為今次專登留肚食甜品，所以試左好多款。楊枝甘露、木糠布甸、芝士蛋糕、糯米糍、雪糕、雪條等，記得記得，食埋個紅糖糍粑!!!!。今時今日，係香港揾間又抵食、裝修又好，食物又有質素的火鍋店，真係好難，難怪牛站咁多回頭客~ 牛站(駅)麻辣火鍋放題 (銅鑼灣) 銅鑼灣駱克道463-483號銅鑼灣廣場二期11樓 #香港美食指南 #trip #美食指南 #火鍋放題 #火鍋 #火鍋控 #銅鑼灣美食 #銅鑼灣好去處 #foodphotography #銅鑼灣餐廳 #銅鑼灣食乜好 #香港探店