Say I Love You 就是偏偏喜歡你📍銅鑼灣

對上係上年11月嚟 今次再同朋友嚟食 撞正姜濤生日應援 好厲害周圍都係姜濤 咁啱姑媽又係姜糖就幫佢嚟拎應援物品 全部都係兩位老闆娘自己整 我地叫左兩個$288套餐~ 有湯，沙律，主菜，飲品超豐富 湯：食用花做裝飾好靚～南瓜湯清甜，真材實料 沙律：巴馬火腿沙律菜～火腿比得好大方～仲有車厘茄～正呀！ 主菜： 我要左巴馬臣芝士菠菜忌廉意粉～補補鐵質 芝士味濃，意粉軟硬度適中有咬口，忌廉汁好creamy仲有好多雜菌。 主菜附送每日限量小禮物 朋友要左香草忌廉煙三文魚意粉 煙三文魚卷到一朵玫瑰花放係中間咁好有心思 配料有雜菌同埋熟既三文魚～ 飲品： 叫左一凍一熱既KT特飲～有杯墊送 我揀左海鹽薑檸梳打$58 好靚既藍色，藍怪表示好喜歡，底有薑粒，加埋海鹽同藍色好夾~ 朋友要左黑糖紅棗薑蜜$48~滋潤養生呀 因為份量好多，可以加熱水沖多半杯 只要follow 佢地ig就可以拎埋小姜姜既生日帽～ 去洗手間時發現一個暖心的事~ 有個索繩小袋子♡貼左張紙話女性用品歡迎使用 有被兩位老闆娘感動到~人美心善🩷🩵 花海仍然好靚~仲有好多打卡位 小遺憾係今日落雨🐇🐇無番工~😂😂