香港🇭🇰 | 玩味十足港風何蘭正💿🥢

何L正？真係Ho Lan Jeng囉🪭！ 呢間真係回頭咗好多次 每次食完都念念不忘 本地懷舊風 同個名一樣 玩味感十足 好鍾意佢哋嘅style 夠哂貼地 仲要係蘭桂坊 平時夜晚嚟超有氣氛 成日爆場 今次日頭嚟食個Brunch先😆 🥬 清蒸高山娃娃菜($78) 配生曬蝦米忌廉汁 | 鮮鉛筆菇 | 嫩炒煙肉 娃娃菜清脆爽口 帶濃郁蝦米鮮味 鉛筆菇味濃 肉質細嫩爽口 配煙肉鹹香風味 🐷 24小時慢煮伊比利亞叉燒豬油撈飯($188) 慢煮叉燒入味 肉質鮮嫩 入口軟腍 份量多 米飯粒粒分明 吸收晒豬油精華🤤 配日本溫泉蛋 | 韓國紫菜 | 紅洋蔥漬 | 大豆芽 撈勻一齊食超級滋味又豐富 且平衡油膩感 🍔 韭黃煎封龍躉魚柳漢堡包配薯條 ($168) 漢堡包加韭黃真係第一次試 好特別 龍躉魚柳煎至金黃酥脆 食落有魚肉鮮味 配大烤菇紅洋蔥漬 啖啖都充滿滿足感 X.O.蛋黃醬辣粉粗薯條 亦非常惹味！ 🧊 焦糖燕麥椰奶冰咖啡 ($68) 最中意奶啡 仲要係椰奶點可以唔試吓 椰香味重 飲落順滑 咖啡唔苦又夠哂甜 個人就好中意 不過飲到尾聲會越飲越甜 唔鍾意太甜嘅可以試吓另外嗰杯鴛鴦☺️ 🧉 鴛鴦 ($68) 係伯爵奶茶加咖啡 呢個配搭好出色 飲落帶淡淡伯爵茶香 又有咖啡嘅濃郁同苦甜 好匹配嘅配搭 男女都好啱飲 ＊呢度主打本地手工啤 咖啡系列假日限定㗎 ▪️ 何蘭正 | @holanjeng 📍 中環雲咸街29號LKF29 2樓