【隱藏餐單🏮小巷裏的串燒居酒屋】

太子有條後巷掛滿燈籠，充滿日本氛圍，原來隱藏咗間居酒屋喺度！ 餐廳主打串燒，另有不同肉類、炸物等，超適合同frd小酌一番🍶 🥢前菜 - 牛蒡煮牛肉 一坐低餐廳就提供咗前菜，牛肉醬汁非常入味，食咗第一啖就已經好想用嚟撈飯🤣為成晚嘅串燒之夜打開序幕！ 前菜同時配有醃蘿蔔、青檸，店員表示可唧落後續嘅肉類串燒，非常refreshing！ 🐖波子提豬肉卷｜蘋果豬肉卷 好少機會食串燒嗰陣同時配水果，今次揀咗提子同蘋果呢兩個組合😆燒好嘅豬肉包住生果意外地夾，生果清爽嘅感覺可以中和燒肉嘅肥膩感，食多幾件都仲得😍而且波子提好大粒，一咬爆汁勁清甜juicy，口感即刻提升唔少！ 🍳免治雞肉棒配日本初生蛋 食串燒必嗌之選！免治雞肉包住一粒又一粒嘅雞軟骨，勁有咬口；火侯控制得剛好，撈埋蛋醬同照燒汁絕配！ 👅牛舌心 每塊牛舌嘅厚度都比想像中厚，兩個人share 一串都完全無問題～牛舌燒得啱啱好，唔會overcooked又夠哂煙韌👍🏼沾上芥末籽醬，酸酸地味道不錯，唧埋檸檬都得🤣 🧀碳燒芝士豆腐 餐廳嘅hidden menu✨店員極力推薦試下呢道菜，煙燻芝士用火槍燒完上枱，離遠都聞到碳烤味，咬落去芝士係呈流心狀態😍芝士控嘅人一定唔可以錯過！ 🍍黑糖燒菠蘿 好juicy好甜！唔同一般嘅燒菠蘿，餐廳喺菠蘿灑上黑糖再用火槍燒，黑糖受熱之後焦糖化，食落多咗層焦糖喺面，增添口感好crispy🤩 🪿慢煮鵝肝 四塊鵝肝下都各有一塊白蘿蔔墊住，本身以為係裝飾🤣估唔到夾埋一齊食個味道好驚喜！慢煮鵝肝口感十分軟滑，搭配清新嘅白蘿蔔，完全估唔到嘅一種新食法！ 🐂蒜香牛肉蔥卷 薄切牛肉包住蔥同蒜粒，提升層次感更惹味；蔥同蒜粒嘅比例啱啱好，唔會掩蓋咗牛肉味道；底下仲有蘋果片，減低油膩感👅 🍻手工啤酒 呢度供應三款手工啤酒，全部都係香港製造，揀咗兩款嚟試，各有特色😋 ❍ Heroes Phoenix Oolong Pale Ale 果味+花香 以冷泡鳳凰單欉入酒，散發熱帶水果味道及花香，柑橘味好突出，整體啤酒味輕身卻帶層次，入口清新爽口 ❍ HUNK SIR MILFFEE PORTER 咖啡+黑朱古力 傳統英式黑啤Porter帶有濃厚黑朱古力香氣，味道甜甜的，比想像中容易入口，鍾意咖啡嘅朋友可以揀呢款手工啤試下！ 🍮芝麻奶凍 +牛乳奶凍 餐廳最後仲送上自家製甜品，兩款奶凍嘅牛奶味都好出！ 而黑芝麻嗰款，每一啖黑芝麻既味道都會慢慢滲出黎，而又唔會蓋住牛奶味，平衡得好好！ 總結：老闆熱情好客，小店充滿人情味好溫馨❣️ 🍽喬居酒屋 📍太子花園街239號嘉慶苑地下C號舖 @kyou_izakaya #fon太子 #fon日式 #太子 #太子美食 #日式 #居酒屋 #香港居酒屋 #princeedward #princeedwardfood #japanese #japanesefood #izakaya #sake #dessert #foodieornot #foodie #hkfood #hkfoodie #foodiehk #foodiehkig #hkfoodblogger #foodporn #foodiegram #food #yummy #nomnomnom