Yummy dinner

餐廳環境氣氛好有情調，設有多個座位位置，又大又舒服。連前菜都好高質美味，🈶泡菜、芽菜、菠菜、菜脯➕海帶。侍應們嘅服務態度非常優質，會一邊幫客人烤肉一邊講解食物 醬油盛合 有醬油大蝦、帶子➕八爪魚，醬油刺身非常入味，大蝦同埋帶子都好鮮甜，我就最愛味道香濃嘅八爪魚 和牛牛舌 牛舌燒到剛剛好，咬落香嫩美味，值得一試😋 鹽磚厚切和牛西冷 和牛西冷嘅紋理及油花都超靚，鹽磚係粉紅色天然喜馬拉雅山玫瑰岩鹽，侍應幫手燒至7成熟左右，將和牛放上鹽磚等一陣，然後俾我哋試下個鹹度係味啱食，再上碟食用，不得不讚，呢度嘅和牛真係超靚👍🏻點上新鮮芥末食，入口充滿牛香得黎仲爆汁，真係好正😍 海鮮煎餅 呢個海鮮煎餅一啲都唔乾，點上醬汁食超香口 西柚乳酸梳打 份量唔算好大杯，不過都夠飲，新鮮西柚配上乳酸梳打，味道剛剛好，唔會太甜 青瓜青檸梳打 我就比較鍾意飲呢杯有新鮮青瓜🥒青檸嘅梳打，感覺好fresh Honey Ice Cream 雪糕充滿牛乳香味，配上原粒蜂巢加蜂蜜，入口香滑，甜度剛剛好💕 📍貊炙 MAEK JEOK 地址： 灣仔港灣道30號新鴻基中心一樓104A，105A,106-108