工廈隱世台菜．食盡夜市小食

#mc帶你去觀塘 . 觀塘返工真係好多好嘢食，淨係駱駝漆大廈都已經係美食集中地，而「五月星牛肉麵」同樣都係駱駝漆大廈嘅人氣食店，晚上7、8點更係全場滿座。 ➖➖➖➖➖➖➖➖➖➖➖➖➖➖➖➖ ✨ 五月星牛肉麵 . 餐廳以以新鮮騸牯牛骨熬煮牛肉麵湯底為招牌菜，而且有多款台式小食選擇，例如大腸包小腸、蚵仔煎等。晚上7、8點更係全場滿座，想試嘅朋友仔就要早啲過嚟食啦。 ➖➖➖➖➖➖➖➖➖➖➖➖➖➖➖➖ 🥢 金好呷宮格餐｜$88 . 啱曬心大心細，咩都想試嘅朋友。依個套餐嘅小食同主食有成16款，每一行揀一款，自由度非常高。 ✅ 豬頸肉　︰肉味濃郁，正常發揮。 ✅ 花枝丸　︰金黃香脆，而且炸得好乾身，有咬口（嚼勁）。 ✅ 蒜泥白肉︰肥而不膩，蒜香味重。 ✅ 甜不辣　︰口感紮實，有咬口（嚼勁）。 ✅ 蔥油拌麵︰蔥香濃郁，麵條彈牙。 ➖➖➖➖➖➖➖➖➖➖➖➖➖➖➖➖ 🥢 紅燒蜂巢牛肚牛肉麵｜$80 . 以新鮮騸牯牛骨熬煮湯底，濃而不濁，肉味濃郁帶少少中藥嘅甘醇味，牛肚呈明顯蜂巢紋，好靚仔之餘，食落香脆有彈性；牛肉厚度適中，口感軟腍入味。搭配粗身麵條，口感彈牙煙韌。 ➖➖➖➖➖➖➖➖➖➖➖➖➖➖➖➖ 🥢 黑醋豬軟骨滷肉飯｜$69 . 豬軟骨肉厚但口感軟腍，配埋糖醋汁，酸酸甜甜，十分開胃。 ➖➖➖➖➖➖➖➖➖➖➖➖➖➖➖➖ 🥢 大腸包小腸｜$39 . 經典台灣小食。將糯米腸（大腸）烤過後切開，再中間夾住台灣香腸（小腸），配以台式甜辣醬、酸菜、花生粉、砂糖、青瓜片等，多層次嘅口感，貼近台灣原味道！ ➖➖➖➖➖➖➖➖➖➖➖➖➖➖➖➖ 🥢 蚵仔煎｜$48 . 依道煎得好有台式風味，好有驚喜！蚵仔好新鮮又幾大粒，一啲都唔腥💯，加埋蛋漿皮、生菜絲同醬料，食落幾惹味，充滿台灣風味！ ➖➖➖➖➖➖➖➖➖➖➖➖➖➖➖➖ 🥢 試管鹽酥雞｜$49 . 餐廳提供六色試管粉，可以隨便將調味粉灑落鹽酥雞享用，包括紫薯、芝士、海苔、梅粉、辣椒，及椒鹽粉。鹽酥雞外脆內軟，口感酥脆，配以最簡單嘅椒鹽粉已經好好食。 ➖➖➖➖➖➖➖➖➖➖➖➖➖➖➖➖ 🥢 黑糖珍珠奶茶｜$29 . 正常發揮，奶感偏重，珍珠口感軟糯煙靭。 ➖➖➖➖➖➖➖➖➖➖➖➖➖➖➖➖ 🥢 水蜜桃氣泡水｜$30 . 原罐梳打水上枱，可以慢慢斟！味道清新，淡淡桃味，加上提神嘅梳打水，健康清爽又解渴！ ➖➖➖➖➖➖➖➖➖➖➖➖➖➖➖➖ 🥢 百香果益力多｜$28 . 果味清新嘅百香果，加上酸甜嘅益力多，飲落酸酸甜甜，十分開胃。 ➖➖➖➖➖➖➖➖➖➖➖➖➖➖➖➖ ⭐整體︰8.5/10 ⭐食物︰8.0/10 ⭐環境︰8.0/10 ⭐價錢︰9.5/10 🟰🟰🟰🟰🟰🟰🟰🟰🟰🟰🟰🟰🟰🟰🟰🟰 📍 五月星牛肉麵 地址：觀塘開源道60號駱駝漆大廈第三座11樓F室 交通︰港鐵觀塘站 B2 出口 🟰🟰🟰🟰🟰🟰🟰🟰🟰🟰🟰🟰🟰🟰🟰🟰 #ming_course #香港小店 #觀塘區美食 #觀塘美食 #觀塘一日遊 #觀塘好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #觀塘 #駱駝漆 #駱駝漆大廈 #觀塘工廈 #工廈美食 #五月星牛肉麵 #台灣菜 #台灣美食 #台灣小食 #滷肉飯 #鹽酥雞 #牛肉麵 #蚵仔煎 #報名4月酒店試睡員