中環有特色fusion餐廳

呢間位於中環的fusion餐廳，無論食物定店內裝潢都富有中西元素。走進餐廳就會被霓虹燈既招牌和天花上面的懷舊串燈吸引，另一邊吧枱位的牆身就畫上壁畫，打卡一流呀📸 環境帶點港式茶餐廳味道既餐廳，富有創意既fusion菜保證令你有驚喜😍 🔹主菜 🔸24小時慢烤伊比利亞叉燒，輕炒羽衣甘蘭，九州溏心蛋，厚切白吐司，白腐乳牛油汁，田園沙律 ~ 用上腐乳牛油汁代替荷蘭汁，又有另一番風味! 慢烤叉燒真係燒得香口，油香味足。九州溏心蛋賣相靚，仲入口香滑。厚切白吐司，配菜有羽衣甘蘭和田園沙律，可以中和叉燒的油膩感。 🔸爆炒開邊去頭有殼老虎蝦及本地靚鮮魷，配油封鴨髀肉青蒜苗煙斗粉，鰹魚忌廉汁 ~ 呢個煙斗粉質感啱啱好，然後醬汁啱啱掛喺粉度。食落去唔會太鹹，又食到鰹魚忌廉醬汁嘅香味。老虎蝦又好大隻，開左邊好容易進食。鮮魷仲非常爽彈，成個配搭非常好夾! 🔹甜品 🔸雞蛋仔格子鬆餅配中式年糕，松露風味，70%朱古力忌廉，自家製車厘子果醬，香濃瑞士朱古力雪糕 ~ 賣相已經相當吸引，入口更有驚喜! 格子鬆餅外層烘得鬆脆，裡面竟然有中式年糕，口感煙煙靭靭! 配埋自家製車厘子果醬和朱古力忌廉，酸酸甜甜，仲有朱古力雪糕，又冷又熱夠晒創意，好正! 🔹飲品 🔸焦糖燕麥椰奶冰咖啡 ~ 入口有驚喜! 有焦糖椰子糖嘅味道，唔會好甜。飲得出有焦糖、椰奶、咖啡味，層次感十足! 🔸雲尼拿棕樹糖冰咖啡 ~ 打卡一流! 最頂層係咖啡冰，中間係雲尼拿冰，最底層係棕樹糖。上枱後店員倒入熱鮮奶，冰跟糖慢慢溶化埋一齊，味道濃郁又唔太甜，咖啡控必飲！ 📍何蘭正 @holanjeng 中環雲咸街29號LKF29 2樓