圍方高質韓燒店

갈비궁 Galbi Gung係間位於圍方嘅韓燒餐廳，兩排卡位寬敞舒適，店員服務態度良好，會主動幫忙燒，食客可以做懶人等食，又唔怕燒到過哂火喉！ 🔹蔥蒜牛舌 大大片牛舌上放滿蔥蒜，好彩有店員幫手燒，咁多蒜真係要啲技巧，燒完之後成塊牛舌卷住蔥蒜食超惹味呢 🔹厚切牛舌+水果醬油挑骨雞翼 呢款厚切牛舌燒完富有彈性，而且軟嫩多汁，口感最豐富！仲有幾隻去骨雞翼，直接放上網燒就可以，燒完啖啖肉，餐廳用上水果醬油醃製，味道甜甜地幾好味 🔹檸檬鹽花牛舌 薄片牛舌口感爽口彈牙，燒完沾少少檸檬汁係完美配搭 🔹棉花糖壽喜燒 賣相好別緻，鍋上有舊好似雲朵嘅棉花糖，棉花糖溶入湯底後令湯底甜度提升，再加入和牛入去煮熟，最後將牛肉點埋蛋汁食一流，幾特別又夠哂儀式感 🔹生蠔牛肉石頭飯 有3大隻肥美生蠔，口感飽滿，熱騰騰石鍋內仲有牛肉、薑絲同碎蔥，拌勻食非常美味，石鍋夠熱關係，底部有好多飯焦，香脆可口 🔹舞動喵甜品 貓貓造型嘅甜品非常可愛，貓貓係布甸嚟，質感軟身，搖搖下好有動感，望住佢好治癒，可沾上Oreo碎食，增添口感 🍴갈비궁 Galbi Gung 📍大圍車公廟路18號圍方3樓331號舖 #報名4月酒店試睡員