海景泰菜 | 打卡餐廳

今次去食泰國菜 想搵間打卡餐廳？呢間就最啱啦 無論室內或室外都飽覽到維港海景 D Cocktail 🍹都整得好靚 // KABOOM Sharing Platter $248 // 呢個小食拼盤好豐富，一共有五款泰式小食，分別有單骨雞翼、泰式春卷、泰式魚餅、蝦棗同埋泰式豬肉串，每款都有四件。當中我最鐘意泰式豬肉串，烤到好香，肉質亦好滑溜彈牙。 // Focaccia with Mussels $108 // 呢款小食係將青口放喺烘到好香脆嘅多士上面，一份共有四件。青口口感軟腍彈牙，鮮味十足，同多士口感一脆一軟，好有層次，再加埋秘製冬陰功醬調味，真係好好味。 // Thai Lobster Sauce Strozzapreti Pasta with Lobster Tail $268 // 意粉嘅熟度煮得恰到好處，口感好軟腍彈牙，每一條意粉都掛到龍蝦汁，非常惹味。龍蝦烤完之後肉質好實正好彈牙，味道鮮甜，再加埋雜菌同埋車厘茄落去一齊炒，好味得嚟又健康。 // Grilled Gai Yang Chicken $238 // 原隻雞切開一半以燒烤嘅形式烹調，外皮燒到好香脆，內裏嘅肉質嫩滑多汁，好味到停唔到口。仲有薯仔、雜菜同埋泰式烤餅做配菜。 // I Need To Keep Fit! $128 // // Life Sucks, Let’s Get Drunk! $128 // 兩杯都好打卡🤭以Rum混合而成，易入口而且唔濃酒味！ #cablfoodreview_tst 📍KABOOM 尖沙咀北京道12A號太子集團中心20樓 #hkfoodpic #foodstagram #foodiegram #hkfoodie #foodie #foodiepic #foodpic #foodphoto #foodshare #foodiehk #852food #kaboom #tstfood #chill #吃貨人生 #食評分享 #餐廳 #尖沙咀美食 #美食日記 #相機食先 #尖沙咀食乜好 #尖沙咀打卡餐廳 #海景餐廳 #報名4月酒店試睡員