任食澳洲和牛 一人一鍋火鍋🍲@牛牛日式火鍋放題

牛牛日式火鍋放題 (海之戀商場) (荃灣) 📍 荃灣大河道100號海之戀商場1樓1010號舖 天氣突然轉涼，心心念念要打邊爐🍲，黎到位於荃灣西海之戀商場一樓座無虛席的「牛牛日式火鍋放題」，餐廳位於地鐵上蓋，位置便利。 餐廳設有寛闊卡位雅座，枱面夠大可以放多點食物飲品🍸，坐得分外舒服，而且對着藍巴勒海峽一帶醉人景色，欣賞風景同時又可以食高質牛。 有多款湯底，任君選擇有辣有唔辣，我哋揀咗泰式冬陰功酸辣蝦湯、夠曬酸辣味，好開胃，而且加上椰漿特別香濃。關東壽喜燒鍋整體偏甜，但非常有誠意提供生蛋一隻，用黎享用高質和牛時可蘸上壽喜燒的味淋和生蛋蛋液，加倍絲滑增加風味。 我哋惠顧C餐：澳洲和牛套餐，多款牛肉部位任食、極上牛舌、丹麥王樣牛小排、澳洲綠草園羊肩肉、澳洲安格斯牛、肉質不錯，牛味夠曬濃，大推有咬口牛舌，和沒有多餘騷味的羊，論其新鮮程度，每一片都入口即化，多食幾碟都回曬本。 海鮮方面仲有特大原隻扇貝，咁既價位都食到都偷笑了，仲有爽彈虎蝦都是必食的。 熟食方面：麻辣鴨血唔會一夾就散，有一定韌度，仲有泰式香脆單骨雞翼、五香滷水雞翼，炸燒賣同埋自助shake 薯條🍟，提供多款shake shake 粉。還有提供各款丸類、即食面、蔬菜🥬、甜品有雀巢等牌子雪條。 惠顧C餐仲可以免費任飲清酒🍶、白酒、紅酒🍷、酒鬼大愛🥰小酌一杯。 除咗打邊爐嘢，我呢度仲有日式和服試着打卡，仲有繪馬祝願牌，大滿足。 #荃灣#海之戀#牛牛日式火鍋放題#高質靚牛#性格比高#澳洲和牛#扇貝#關東壽喜燒#泰式冬陰功湯#一人一鍋#極上牛舌#牛小排