顛覆傳統 健康低卡肥仔水

應該係全港唯一一間全自家製食材既飲品鋪，由奶蓋、植物奶到珍珠都係自家生產🎉拒絕使用精製糖，最正係一杯普通珍珠奶茶只係 45kcal (12oz.)，相比坊間既，即使叫無糖都至少 250kcal，相差5-6倍。 之前出面飲珍珠奶茶🧋飲完個胃會唔舒服，因為珍珠其實都幾難消化🤢但飲完呢間又冇呢個問題。Mother Peral出左3款珍珠: 抗氧抹茶珠、排毒炭黑珠冋抗炎黃金珠，分別加左superfood去整，今次兩杯都簡左排毒炭黑珠，加左竹炭，可以排毒，細細粒，咬落煙韌。 飲品分兩個size : Petite(12oz.)同Regular(16oz.)，相差$6🤫當然叫大杯啲。 🔸非常可仁 (16oz./Iced/$46) 即凍朱古力，但少過100kcal!!! 飲完冇咁大罪惡感!!! 最頂層係朱古力米蓋同朱古力脆，有淡淡米香，同燕麥奶幾夾，純素朱古力飲落濃厚，同正常既分別不大，整體入口順滑。 🔸養顏補血 (16oz./Hot/$48) 新出養生系列，養生茶包(黑枸杞、桑葚、茯苓、紅棗)配杏仁奶，表面鋪滿玫瑰花，雪燕份量足，加入羅漢果糖，飲落香甜滋潤。 🔸紅絲絨麻糬曲奇 (跟飲品 +$24) 軟曲奇食落濕潤，加入70%朱古力，唔會好甜，麻糬偏軟彈口感。 🔸爆芝脆批 (跟飲品 +$28) 叫左紐約辣芝士同西西里菠菜味，即叫即焗熱，可配西班牙莎莎或南美青辣醬，內饀芝士味濃。 #旺角美食 #健康