東方文華酒店 今次係一次豪華嘅 Staycation 體驗

#報名酒店試睡員 東方文華酒店 今次都係一次豪華嘅 Staycation 體驗，雖然今次係早前去嘅，酒店仍然有類似嘅套裝叫「文華閣休閒之旅」。 係官網上預訂可以享有特別優惠：延遲退房&提早登記入住、專屬餐飲體驗（早餐、下午茶、夜間雞尾酒）、極快Wi-Fi、升級房間 etc，一齊睇下係咪咁正 Check-In : 可以提早2pm check-in，整個過程都算快，留意返信用卡要 hold 起接近房費一半嘅價錢，建議大家預備定信用卡嘅信用額。 不過登記入住時酒店並無特別介紹唔同設施嘅位置。 退房延遲到2pm，大堂當時都幾有幾pair 人退房，不過另一個職員都好好幫我哋喺另一邊處理退房事宜，都幾好 房間： 當日天氣一般般，景觀雖然望海景，不過始終感覺未如尖沙咀望對岸咁靚，而且距離過海都比較遙遠，但都幾近街，如果想 私隱度高喲記得拉埋簾③ 房間整個感覺設計有藝術嘅氣息，房間內亦會掛唔同嘅畫作，有種中西融合嘅feel。 中式青銅設計嘅冰桶喺千禧新世界都見過類近嘅～喺設計上房間相對獨特。 近門口位置有個櫃，方便酒店職員送餐而又不打攪客人，當服務完成時，職員亮起棧提示燈，客人就可以拎嘢。 今次酒店就係大概三點幾四點左右送咗朱古力作歡迎小食，亦同樣放喺嗰個櫃度～都算係獨有嘅！ 辦公檯旁邊有充電位、HDMI位等，位置較隱蔽。 浴室： 浴室乾濕分離，馬桶位置自成一各，關起道門係一個沉思嘅空間、思考嘅國度。馬桶同沖涼位置之間有洗手盆位。同其他酒店唔同，洗手盆位置有較多中式設計裝修，比較多盆栽、竹嘅成份，雖然較傳統，但亦有電視在旁，不失時尚感。 浴室非常寬敞，有雙花灑設計，可以分開調節花灑角度，鍾意按摩背脊又得，想二人同時分開沖涼亦都得，兩個人都能夠舒服咁洗白白愚！ 護理用品由 Diptyque 品牌包辦，呢個法國牌子香得嚟又夠滋潤，事後都會拎走佢嘅潤膚露，搽手都唔會覺得好油。 浴缸較大，兩個人浸都冇問題，而且都好快注滿成缸水念，熱 水供應都非常穩定 隔離仲有鏡，唔知算唔算貼心嘅係有一部份嘅鏡係防霧嘅，隱約見.到大家朦朧嘅身影感譽更加刺激 電子用品： 房間電子用品唔算最update。 電視不是Smart TV，但有meditation 用嘅台同電台兮，放鬆入睡用都幾好。 洗手盆梳洗位置有另一部電視，以國際台為主。 食物： 房內小食飲品包羅萬有，酒版、飲品、小食都齊，正常酒店價。房內係Evian嘅水嘅 少見嘅係房內有MO嘅茶，而且亦有茶具可供使用，相對少地方有。 早餐我哋揀 room service～時間同埋食物都可以自己選擇，就記得係凌晨兩點之前掛填好嘅牌喺房門口。早餐份量比較豐盛，食物質素正正常常，可惜當日天氣真係一般，所以個景就冇咁靚 心心（如果要二選一都會想要早餐多啲。。） 服務態度： 服務態度係 excellent👏 ，打電話去 housekeeping 職員都會尊稱你個名，令人有受尊重同重視嘅感覺 念念同埋都好有禮貌👏 。 總結： 傳統五星級酒店有五星級嘅好。硬件都符合預期，軟件上更加一流，照顧客人亦非常周到，整個入住嘅體驗都好愉快心，畢竟價錢都係偏貴，所以算係物有所值。個陣個 package 係自助晚餐，晚餐部分因為都係幾一般，反而新package有下午茶 &夜間雞尾酒會比較吸引～而且仲可以去文華閣 Lounge，如果有budget 同埋想試下5星級體驗都可以一試。 酒店名稱：#文華東方酒店 @mo_hkg 酒店地址：中環干諾道中5號 價錢：$4255（最新 Package 價＄4880起） 按金：一半房費 F: Harbour View King Room 套票：Staycation Feast （現時為文華閣休閒之旅） 入住時段：2pm- 第二日 2pm