中環泰菜

今日去中環搵朋友食午餐, 原來怡和大廈地牢有個food court ,其中一個舖位係食地道泰菜! Basehall呢度都幾乾淨舒服, 搵到個位坐之後就睇餐牌叫野食📝 叫左杯『泰式檸檬茶』同『檸檬梳打』🍹檸檬茶茶味香濃配青檸🍋🟩又有另一番風味😋青檸梳打, 酸酸咁, 好清新, 飲左啖好開胃! 『蛋包虎蝦炒金邊粉』 喺泰國菜館成日食金邊粉,,但用蛋包真係第一次, 隻虎蝦好大隻🦐肉質鮮甜👍🏻食金邊粉一定要撈埋辣粉同花生粒一齊食, 啲粉酸酸地加埋啲辣粉, 成條脷都好衝擊🤣🤣🤣 『泰式海南雞飯』 呢個雞飯比起泰國當地嘅水門雞飯仲好味, 啲雞雖然好滑又肥美, 但連皮食一啲都唔邪惡, 肉質嫩滑, 啲飯唔會好油膩, 啱晒我哋呢啲成日話叫減肥嘅女人仔食! 『小食拼盤』 雞翼+蝦餅 + 春卷, 呢個拼盤都幾抵食, 4件雞翼、4件蝦餅、4條春卷, 件件都色澤金黃炸到脆卜卜, 真係停唔到口! 『椰汁芒果糯米飯』 呢個係泰國菜必點嘅甜品, 糯米+黑糯米配埋香濃嘅椰汁一齊食, 真係無得輸! °°°°°°°°°°°°°°°°°°°°°°°°°°°°°°°°°°°°°°°°°°°° Thai Grill @thaigrillhk 📍中環怡和大廈 - 地庫 Basehall 01 #mrslong #hk #hkmami #hkbloggermama #longs #hkbaby #influencer #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers #泰grill #thaigrill #thaigrillhk #中環泰國菜 #將軍澳泰國菜